Mikayıl Nərimanoğlu: “Onlar özləri də etiraf etdilər ki, günahkar rusiyalı azarkeşlərdir”

Mikayıl Nərimanoğlu: “Onlar özləri də etiraf etdilər ki, günahkar rusiyalı azarkeşlərdir”
ÖLKƏ FUTBOLU 15 Oktyabr 2009 / 13:11 4152
-  A +

Dünən keçirilən Azərbaycan - Rusiya oyununda yaşanan xoşagəlməz olaylarla bağlı AFFA mövqeyini açıqlayıb. Qol.Az-ın müxbirilə söhbətində AFFA-nın İnformasiya və İctimaiyyətlə Əlaqələr Departamentinin rəhbəri Mikayıl Nərimanoğlu baş verənlərə görə rusların günahkar olduğunu bildirib: “Özünüz də gördünüz ki, rusiyalı azarkeşlər stadiona bərbad halda gəlmişdilər. Bütün baş verənlərin də günahkarı onlardır. Əvvəlcə oturacaqları sındırdılar, daha sonra isə partlayıcı maddələri bizim azarkeşlərə tərəf atdılar. Qarışıqlıq da bundan sonra yarandı. Nəticədə AFFA rəsmiləri və polislərin müdaxiləsindən sonra aranı sakitləşdirmək mümkün oldu”.
M.Nərimanoğlunun sözlərinə görə, Rusiya Futbol İttifaqının nümayəndələri də baş verən hadisədə öz həmyerlilərini günahlandırıblar: “Rusiya Futbol İttifaqının rəsmi nümayəndələri də stadiondaydılar. Baş verənlərə onlar da canlı şəkildə tamaşa edirdilər. Qarşılaşmadan sonra onlar özləri də etiraf etdilər ki, baş verənlərin səbəbkarı rusiyalı azarkeşlərdir. Onlar bizi əmin etdilər ki, bununla bağlı ciddi tədbirlər görəcəklər”. 

Daha çox


Son xəbərlər
17.03.25  12:22

Zubir 300-ə çatdı