Berti Foqts: “Lixtenşteynə səfərdə qalib gəlib, ruslarla heç-heçə oynamaq böyük uğurdur”

Berti Foqts: “Lixtenşteynə səfərdə qalib gəlib, ruslarla heç-heçə oynamaq böyük uğurdur”
ÖLKƏ FUTBOLU 14 Oktyabr 2009 / 23:52 2602
-  A +

“Bu heç-heçəni Azərbaycan xalqına ərmağan edirəm. Biz qələbə də qazana bilərdik. Lakin əlverişli şanslardan yararlana bilmədik. Bununla belə Lixtenşteynlə səfər oyununda qalib gəlib, Rusiya millisiylə heç-heçə oynamaq böyük uğurdur”. Qol.Az-ın məlumatına görə, bu sözləri Rusiyayla oyunsonrası mətbuat konfransında millimizin baş məşqçisi Berti Foqts deyib. Almaniyalı mütəxəssis millinin 3 üzvünü xüsusi fərqləndirib: “3 real şansımız oldu. Onlardan istifadə edə bilsəydik, daha yaxşı olardı. Qol buraxdıqdan sonra uşaqlar ruhdan düşmədilər və sonadək mübarizə apardılar. Bü gün komanda yaxşı oynadı. Amma 3 futbolçunun adını xüsusi qeyd etmək olar - Vaqif, Ruslan, Kamran. Lixtenşteynlə ikinci hissədə yaxşı oynamışdıq. Bu gün də gözəl oyun nümayiş etdirdik. Baxmayaraq ki, 3 futbolçumuz - Rəşad, Samir və Elnur yox idi. Rusiya millisinin müdafiə xəttində problemlər var idi. Onları təzyiqdə saxlayarkən, səhvə yol verirlər. Vüqarı da ikinci hissədə məhz bu səbəbdən meydana buraxdım. Çətin qrupa düşmüşdük. Lakin fikrimcə, pis oynamadıq. Seçdiyimiz istiqamət düzdür. Gələcəkdə də bu cür davam edəcəyik. Amma uşaqlar gərək klublarında daha çox oynasınlar.  Uşaqlar komandada bir-birlərini gözəl anlayırlar. Bu da məni sevindirir”.
 

Daha çox


Son xəbərlər
17.03.25  12:22

Zubir 300-ə çatdı