Dieqo Kostadan şad xəbər

Dieqo Kostadan şad xəbər
XƏBƏR 14 Aprel 2014 / 12:15 3567
-  A +

İspaniya La Liqasının 33-cü turu çərçivəsində "Xetafe" ilə görüşdə (0:2) zədələnən "Atletiko" (Madrid) klubunun hücumçusu Dieqo Kostanın son durumuna aydınlıq gəlib.

Qol.Az-ın xəbərinə görə, Madrid klubunun rəsmi "tvitter" səhifəsindən verilən məlumatda futbolçunun zədəsinin ciddi olmadığı bildirilib.

"Atletiko"nun baş məşqçisi Dieqo Simeone Kostanın son durumu ilə bağlı bunları deyib: "Kosta vurduğu qoldan razıdır və sakitdir. Zədəyə gəlincə, pələng xırda kəsikdən qorxmaz".

Ayağında heç bir qırığın olmadığı açıqlanan braziliya əsilli ispan futbolçunun növbəti oyunlarda meydana çıxıb-çıxmayacağı hələlik məlum deyil.

Qeyd edək ki, Kosta "Xetafe" ilə matçın 84-cü dəqiqəsində qol vurarkən ayağı qapı dirəyinə dəymiş və meydanı tərk etmək məcburiyyətində qalmışdı.

Daha çox


Son xəbərlər
topaz banner