AFFA birinci divizion klublarına güzəşt etdi

Bu gün AFFA-nın inzibati binasında keçirilən İcraiyyə Komitəsinin iclasında bir sıra qərarlar qəbul edlib.

Qol.Az-ın məlumataına görə, iclasda eyni zamanda AFFA-nın Futbol Veteranları Fondunun Əsasnaməsinə I dərəcəli təqaüdün verilməsi barədə əlavə edlib.
 

- Topaz Premyer Liqasında çıxış edən bütün klublarda minimum 5 nəfərdən ibarət İdarə Heyəti yaradılsın. Bununla əlaqədar klubların yeni strukturu və İdarə Heyətinin üzvləri AFFA rəhbərliyi tərəfindən təsdiq olunması üçün baş katibliyə təqdim edilsin. İdarə Heyətinin tərkibində bir veteran futbolçunun iştirakı ödənişli əsaslarla təmin olunsun. Bu strukturun formalaşması üçün AFFA tərəfindən lazımi köməklik göstərilsin və proses 2013-cü ilin sonundək başa çatdırılsın.

- Topaz Premyer Liqasında çıxış edən klubların nəzdində U-19 komandası yaradılsın və AFFA tərəfindən keçirilən U-19 Liqasında iştirakı təmin edilsin.

- AFFA-nın U-12 Liqasının yaradılsın.

- AFFA-nın bütün uşaq liqalarında "Yaşıl kart" qaydası tətbiq olunsun. FAIR PLAY qaydalarına daha çox əməl edən futbolçular (AFFA-nın bütün liqaları və Topaz Premyer Liqası klublarının futbolçuları) və klub AFFA ilin sonunda tərəfindən mükafatlandırılsın

- Birinci Divizionda çıxış edən futbolçuların limiti 2013-2014-cü il mövsümündən etibarən 6 nəfər 21 yaşadək yerli futbolçu sistemi ilə tətbiq olunsun.

- AFFA-nın bayrağı altında keçirilən müxtəlif yaş qruplarından ibarət liqalarda bütün uşaq komandalarının baş məşqçiləri minimum C lisenziyalı məşqçi kateqoriyasına (Topaz Premyer Liqası klublarının nəzdindəki uşaq komandalarının baş məşçisinin kateqoriyası lisenziyalaşdırma qaydalarına əsasən tənzimlənir) malik olmalıdır. Kurslarda təhsil haqqı AFFA tərəfindən ödəniləcək. Bunun üçün 6 ay müddət nəzərdə tutulur.

- "Kəpəz" klubunun Birinci Divizionda iştirakı təmin edilsin və AFFA İcraiyyə Komitəsinin üzvü İskəndər Cavadov kluba AFFA tərəfindən kurator təyin olunsun.  

- AFFA-nın Futbol Veteranları Fondunun I dərəcəli təqaüdü təsis olunsun və bununla bağlı Əsasnaməyə əlavə təsdiq edilsin (Əsasnaməyə əlavə AFFA-nın saytında yerləşdiriləcək).


Aşağıdakı şəxslərə AFFA-nın xüsusi təqaüdü verilsin:
 
1.   Ələkbər Məmmədov
2.   Kazbek Tuayev
3.   Ağasəlim Mircavadov
4.   Rüstəm Rəhimov
5.   Əhməd Ələsgərov
6.   Çingiz İsmayılov
7.   Valeri Hacıyev
8.   Yaşar Babayev
9.   Mübariz Zeynalov

Futbol veteranlarına AFFA-nın I dərəcəli təqaüdünün verilməsi qaydalarının müəyyənləşdirilməsi məqsədilə AFFA-nın Futbol Veteranları Fondunun Əsasnaməsinə aşağıdakı əlavə və dəyişikliklər olunur:

1. AFFA-nın I dərəcəli təqaüdçüsü yalnız SSRİ çempionatının Yüksək liqasında "Neftçi" komandasının əsas heyətində ən azı bir mövsüm çıxış etmiş, 63 yaşa çatmış, Azərbaycan Respublikasının vətəndaşı və onun ərazisində yaşayan, habelə futbol sahəsində sosial və təhsil fəaliyyəti ilə məşğul olan şəxs ola bilər.
2. AFFA-nın I dərəcəli təqaüdçüsü milli yığma komandaların baş məşqcisı, dünya və Avropa çempionatlarının seçmə və final mərhələsində, habelə Olimpiya oyunlarında çıxış etmiş, o cümlədən dövlət tərəfindən mükafatlandırılmış şəxs ola bilər.
3. AFFA-nın I dərəcəli təqaüdçüsü milli yığma komandanın əsas heyətində dünya və Avropa çempionatının seçmə və final mərhələlərində 50 və daha artıq oyun kecirmiş Azərbaycan Respublikasının vətəndaşı və onun ərazisində yaşayan şəxs ola bilər.
4. AFFA-nın I dərəcəli təqaüdçüsü SSRİ çempionatının Yüksək liqasında "Neftçi" komandasının əsas heyətində ən azı bir mövsüm çıxış etmiş və karyerasını başa vurduqdan sonra uzun müddət futbol hakimi kimi SSRİ yarışlarında, habelə FIFA və UEFA turnirlərində fəaliyyət göstərmiş şəxs ola bilər.
5. AFFA-nın I dərəcəli təqaüdçüsü yalnız SSRİ çempionatının Yüksək liqasında "Neftçi" komandasının əsas heyətində ən azı bir mövsüm çıxış etmiş, 63 yaşa çatmış, Azərbaycan Respublikasının vətəndaşı və onun ərazisində yaşayan, habelə futbol sahəsində sosial və təhsil fəaliyyəti ilə məşğul olan, gənclər arasında SSRİ, dünya və Avropa çempionatlarında yüksək nailiyyətlərə nail olmuş şəxs ola bilər.