“Messi “Barselona”dan ayrılacaqdı...”

“Messi “Barselona”dan ayrılacaqdı...”
XƏBƏR 14 Avqust 2013 / 15:15 3306
-  A +

"Barselona"nın futbolçusu Lionel Messi 2003-cü ildə klubdan ayrılmaq təhlükəsi ilə üzləşibmiş.

Qol.Az-ın "AS" qəzetinə istinadən verdiyi məlumata görə, həmin vaxt maliyyə problemləri səbəbindən Sesk Fabreqası və Xerard Pikeni satan klub az qala argentinalı hücumçu ilə də yolları ayıracaqmış.

O zamanlar Messini ailəsi ilə birlikdə yaşaması üçün evlə təmin edən klub sonradan evin kirayəsini ödəməkdən imtina edib və futbolçu əvəzedici heyətə göndərilib.

Ancaq əvəzedici heyətin baş məşqçisi Quillerma Hoyos buna qarşı çıxaraq hücumçunun əsas komadada oynamalı olduğunu rəhbərliyə bildirib. Bu qərarı anlayışla qarşılayan o zamankı idman direktoru Sandro Rosell pul problemini yenə də həll edə bilməyib.

Belə bir məqamda isə Hoyosun dostu Antoni Vilatta köməyə gəlib. Belə ki, o Messinin atasını işə götürüb və bunun müqabilində ondan futbolçunun peşəkar müqavilə imzalayacağı təqdirdə məbləğin bir hissəsini ona verməsini istəyib.

Tərəflər razılığa gəliblər və Messi “Barselona”da qalıb. Peşəkar müqavilə imzalandıqdan sonra vəd olunan pul Vilattaya verilib.


Son xəbərlər
topaz banner