Pantiç: "Meydana yalnız qələbə üçün çıxacağıq"

Pantiç: "Meydana yalnız qələbə üçün çıxacağıq"
XƏBƏR 10 Avqust 2013 / 01:00 2217
-  A +

Topaz Premyer Liqasının 2-ci turunda AZAL-la oyuna hazırlaşan “Bakı” dünən axşam  məşqi ilə kifayətlənib.

Qol.Az-ın məlumatına görə, baş məşqçi Milinko Pantiçin rəhbərliyi altında keçən məşq prosesi bir saat davam edib.

Məşq “zolaqlılar”in isinmə hərəkətləri ilə başlayıb. Komanda üzvləri əsasən driblinq və qısa ötürmələr üzərində çalışıblar. Əfran İsmayılov komandadan ayrı məşq edib. Namiq Ələsgərov və Şəhriyar Əliyev isə məşqdə iştirak etməyib.

Milinko Pantiç AZAL-la qarşıdakı oyunla bağlı fikirlərini açılayıb: “Oyuna yaxşı hazırlaşmışıq. Rəqib komandanın yaxşı baş məşqçisi və güclü oyunçuları var. Buna rəğmən biz meydana yalnız qələbə üçün çıxacağıq. Keçən turda buraxdığımız səhvləri təkrarlaya bilmərik”.

Xatırladaq ki, Topaz Premyer Liqasının 2-ci turu avqustun 10-u saat 19:00-da «AZAL Arena”da keçiriləcək AZAL - "Bakı" görüşü ilə start götürəcək.


Son xəbərlər
topaz banner