"Gefle"nin baş məşqçisi: "Qarabağ"ın qrupa düşməsini arzulayıram"

"Gefle"nin baş məşqçisi: "Qarabağ"ın qrupa düşməsini arzulayıram"
XƏBƏR 9 Avqust 2013 / 01:06 3740
-  A +

"Qarabağ"ı qələbə münasibətilə təbrik edirəm. Rəqib fərdi ustalıq keyfiyyətlərinə malik futbolçulardan təşkil olunub. Bu tip komandaya qarşı oynamaq hər zaman çətindir".

Qol.Az-ın məlumatına görə, bu sözləri "Gefle" klubunun baş məşqçisi Per Olson "Qarabağ"la oyundan (0:2) sonra keçirilən mətbuat konfransında deyib.

Təcrübəli mütəxəssis "Qarabağ"ın qrup mərhələsinə düşməyini arzuladığını bildirib: "Bakıdakı ilk oyunda əsasən müdafiə olunurduq. Bu dəfə hücum futbolu oynamağa çalışdıq. Lakin ilk qolu buraxdıqdan sonra işimiz daha da çətinləşdi. Bununla belə, yenidən hücuma atılaraq qollar vurmağa çalışdıq. Rəqib isə buna imkan vermədi. Məğlubiyyətə baxmayaraq, komandamın yaxşı oynadığını düşünürəm. "Qarabağ"a gələcək oyunlarda uğurlar arzulayıram. Onların qrup mərhələsinə düşməsini arzulayıram".


Son xəbərlər
topaz banner