Bakının “İnter” klubunun yarımmüdafiəçisi Asif Məmmədov Avroliqanın I təsnifat mərhələsinin ilk oyununda dünən Finlandiyanın “Mariehamn” komandasına qarşı keçirilən oyunla (1:1) bağlı Qol.Az saytının suallarını cavablandırıb
- Hamı “İnter”dən qələbə gözlədiyi halda niyə qalib gələ bilmədiniz?
- İlk dəqiqələrdən qol vurmaq istəyirdik. Buna da nail olduq. Ona görə də oyuna yaxşı başladığımızı demək olar. Qoldan sonra bizdə arxayınlıq oldu. Bu səbəbdən ilk hissənin ortalarından sonra yaxşı çıxış etmədik. İkinci hissədə komandamız pis oynamadı. Ancaq bir neçə qol imkanından istifadə edə bilmədik. Təəssüf ki, ilk hissənin sonunda zədələnərək oyunu tərk etməli oldum.
- Zədən ciddidir?
- Hazırda ayağım ağrıyır. Komandamız məşq edir, mən də qıraqdan baxıram. Bu gün saat 2-də həkim müayinəsindən keçəcəmyə və zədəmə dəqiq diaqnoz qoyulacaq. Ayaq əzələmdə dartılma var. Çox güman ki, əzələ cırılması da var.
- “Mariehamn” klubu haqda nə deyə bilərsən?
- Rəqib gözlədiyimiz kimi çıxış etdi. Bilirdik ki, onlar əks-hücumlarda nəsə edə bilərlər. Gördüyünüz kimi, çox sürətli əks-hücumlar edirdilər.
- “İnter”də sanki futbolçular bir-birini başa düşmürdü. Həm də komandanızda sürət yox idi.
- Bu, yeni futbolçularla bağlı ola bilər. Bir neçə futbolçu ilk dəfə idi ki, “İnter”lə rəsmi oyuna çıxırdı. Yeni futbolçuların bəzisi cəmi bir həftədir heyətimizə qoşulub. Yəni oyuna tam hazır ola bilməmişdik. Tədricən onlar da komandaya uyğunlaşacaq. Cavab oyununda hər şey yaxşı olacaq.
- “İnter”dən bir neçə təcrübəli əsas heyət oyunçusu ayrıldı. Onların yoxluğu dünənki oyunda özü göstərdi?
- Məncə, həmin futbolçuların yoxluğu hiss olunurdu.
- Oyuna qədər “Mariehamn” klubuna yaxşı bələd deyildiniz. Artıq rəqibin zəif və güclü tərəflərini müəyyən edə bildiniz?
- Rəqibin oyunlarının videoyazılarını izləmişdik. Ancaq komandaya qarşı oynayanada onu daha yaxşı tanıyırsan. Əlbəttə ki, rəqibin çatışmazlıqlarını gördük. Baş məşqçimiz də cavab oyunu üçün müəyyən tapşırılarını verəcək.
- Rəqibin hansı üstün cəhətini qeyd edə bilərsən?
- Əsasən sürətli olmalarını deyə bilərəm. Əks-hücumda bizim üçün çox təhlükəli ola bilərlər. Həm də əksəriyyəti ucaboy futbolçulardır. Standart vəziyyətləri yaxşı yerinə yetirirlər.
- “Mariehamn”ın səfərdən 1:1 hesabı ilə dönməsi onların növbəti mərhələyə keçməkdə daha şanslı olduğunu demək olar?
- Onlar daha şanslı görünə bilər. Ancaq yenə də, “İnter”i şanslı görürəm. 99 faiz əminəm ki, növbəti mərhələyə biz keçəcəyik.
- Komandanın vacib qoluna imza atdın. “İnter”in hazırkı durumunda qol ümidi sənədir. Növbəti oyunda da azarkeşlər səndən qol gözləsin?
- Çox arzulayıram ki, zədəm ciddi olmasın və ikinci oyuna çıxım. Cavab matçına çıxsam, onda da qol vurmağa çalışacağam.
Ramiq AĞAMƏMMƏDOV
"Bayer" qarşısıalınmazdır
"Qalatasaray" "Sivasspor"a 6 qol vurdu
“Sabah” bəxt sayəsində qalib gəldi” – Elmar Baxşıyev
Ayaz Quliyevin möhtəşəm qolu, "Sabah"ın qələbəsi - Video
"Sabah" irəlilədi, "Zirə" yenidən 2-ci pillədə
Tovuzda vurulan qollar - Video
Rəşad Sadlqov qələbəni şərh etdi
Musanın komandasından qələbə
"Araz-Naxçıvan" - "Sabah": Heyətlər
Azərbaycan millisinin üzvü Ukraynada növbəti oyuna çıxdı
"Jirona"ya məğlubiyyət Laportanı qəzəbləndirib
"Bavariya"nın futbolçusu "Real"la oyunu buraxacaq
Tovuzda heyətlər açıqlandı
Qvardiola: "Biz çempion olacağıq"
"Çelsi" Osimhen üçün 90 milyon avro təklif etdi