Kiyevdə Heydər Əliyevin xatirəsinə həsr olunan futbol turniri keçirildi (FOTOLAR)

Kiyev şəhərində Azərbaycan və Ukraynanın idman jurnalistləri arasında Heydər Əliyevin xatirəsinə həsr olunmuş mini futbol üzrə 12-ci beynəlxalq turnir keçirilib. Ukrayna Azərbaycanlı Gənclər Birliyinin mətbuat xidmətindən Qol.Az-a verilən məlumata görə, turnir Azərbaycan Teleradio Verilişləri QSC-nin, Ukrayna  Televiziyasının təşkilatçılığı və Dünya Azərbaycanlıları Konqresinin Ukrayna üzrə nümayəndəliyinin dəstəyi ilə baş tutub.

Yarışda “İdman Azərbaycan” kanalının , Ukraynanın bir sıra televiziya və media qurumlarının, o cümlədən, diaspora və ictimai təşkilatların mini futbol komandaları iştirak ediblər.

Ukrayna Futbol fedarasiyasnın mərkəzi mini futbol bazasında keçirilən beynəlxalq turnirin açılış mərasimində Azərbaycanın Ukraynadakı səfirliyinin  2-ci katibi Asim Osmanov çıxış edərək, son 12 ildə Ukraynada idman jurnalistləri arasında Heydər Əliyev kimi dünya şöhrətli ictimai siyasi xadimin xatirəsinə həsr olunmuş mini futbol turnirinin keçirilməsinin tarixi əhəmiyyətindən soz açıb. Belə bir möhtəşəm turnirə qatılan idmançılara Azərbacanın Ukraynadakı səfiri Eynulla Mədətli adından uğurlar arzulayıb.

Mərasimdə  Ukrayna Azərbaycanlı Gənclər Birliyinin sədri Anar Tahirov çıxış edərək, Ukraynada hər il idman jurnalistləri arasında  ümummili lider Heydər Əliyevin xatirəsinə həsr olunmuş  mini futbol üzrə turnirin keçirlməsini hər iki ölkənin jurnalistləri arasında dostluq əlaqələrinin yaranmasında müstəsna rol oynadığını vurğulayıb. Qeyd edib ki , turnirdə  jurnalistlər arasında yaranmış dostluq münasibətlərinin nəticəsi olaraq, son illər Ukraynanın Milli televiziyasında  Azərbaycanla bağlı 12 sənədli film hazırlanmışdırki, bunlardan 3-ü ulu öndər Heydər Əliyevin xatrəsinə həsr olunub.

Mərasimdə  ARDNŞ-nin Ukraynadakı nümayəndəliyinin əməkdaşı Həzi Aslanov, Ukrayna Azərbaycanlıları Konqresinin sədri  Rövşən Tağıyev, Konqresin ali məclisinin sədri Akif Gülməmmədov, Azərbaycan Ağsaqqallar Şurasının Ukraynadakı nümayəndəsi Firudin Məmmədov və digər şəxslər çıxış edərək, ulu öndər Heydər Əliyevin xatirəsinə həsr olunmuş  turnirin iştirakçılarına qələbə uğurları arzulayıblar.

Ümummilli liderin 90 illik yubileyinə həsr olunmuş beynəlxalq turnirin təşkil olunmasına dəstək verən Azərbaycan Teleradio Verilişləri QSC-nin sədri Arif Alışanova, Ukrayna televiziyasının rəhbərinə və Dünya Azərbaycanlıları Konqresinin Ukraynadakı nümayəndəliyinin rəhbəri Möhlət Hüseynova   minnətdarlıqlarını bildiriblər.

Çıxışlardan sonra  beynəlxalq turnirə start verilib. Diaspora və ictimai təşkilatların  komandaları arasında  keçirilən turnirin ilk günü “Azad” komandası qələbə çalaraq Heydər Əliyev turnirinin kubokuna sahib olub. Turnirdə  2-ci yerə “Unicef”, 3-cü yerə isə Ukrayna Azərbaycanlı Gənclər Birliyinin “SAMU” komandası çıxıb.

Azərbaycan və Ukraynanın idman jurnalistləri arasında keçirilən dostluq göruşü isə gərgin və maraqlı oyunlarla yadda qalıb. Ukraynanın bir sıra televiziya və media qurumlarının mini futbol komandalarının iştirak etdiyi turnirin finalında ESG tv komandası qalib gələrək Heydər Əliyev kubokuna sahib olublar.

Turnirdə ölkəmizi təmsil edən “İdman Azərbaycan” kanalının komandası isə 2-ci yerlə kifayətlənməli olub.