"Barselona" qələbə qazandı, "Bavariya" və "Qalatasaray" uduzdu

Bu axşam Çempionlar Liqasının qrup mərhələsi çərçivəsində ikinci turun oyunlarına start verilib.

Qol.Az-ın məlumatına görə, ilk oyun günündə 8 qarşılaşma baş tutub.

E qrupunda İtaliya nəhəngi "Yuventus" doğma meydanda "Şaxtyor" (Ukrayna) klubunu qəbul edib və görüşdə qalib müəyyənləşməyib - 1:1. Digər görüşdə "Nordsjaelland" (Danimarka) "Çelsi" (İngiltərə) klubunu sınağa çəkib. London təmsilçisini darmadağın edib - 4:0. 

F qrupunda iki lider - BATE (Belarus) və "Bavariya" (Almaniya) komandaları üz-üzə gəlib. Belarus çempionu bu görüşdə də qələbəyə sevinib - 3:1. İspaniyada isə "Valensiya" Fransanın "Lill" klubu ilə münasibətlərinə aydınlıq gətirib. İspaniya təmsilçisi "Lill" üzərində inamlı qələbə qazanıb - 2:0.

G qrupunda Moskva "Spartak"ı doğma azarkeşləri önündə Şotlandiyanın "Seltik" klubu ilə qarşılaşıb. Gərgin keçən görüş 3:2 hesabı ilə qonaqların xeyrinə başa çatıb. Qrupun lideri "Barselona" isə Portuqaliyada "Benfika"nın qonağı olub və inamlı qələbə qazanıb - 2:0. 

H qrupunun favoriti "Mançester Yunayted" klubu bu turda Rumıniyaya səfər edib. Burada İngiltərə nəhəngi "CFR Kluj"la üz-üzə gəlib. Robin Van Persi komandasına növbəti dəfə qələbə qazandırıb - 2:1. Son Türkiyə çempionu "Qalatasaray" isə evdə Portuqaliyanın "Braqa" klubu ilə qarşılaşıb və ikinci görüşünü də məğlub başa vurub - 0:2.

Qeyd edək ki, ikinci turun qalan görüşləri sabah axşam keçiriləcək.







2 oktyabr

Çempionlar Liqası, ikinci turun oyunları
 

E qrupu

23:45. "Yuventus" (İtaliya) – "Şaxtyor" (Ukrayna) - 1:1
Qollar: Teyxeyra, 23 (0:1), Bonuççi, 25 (1:1)

23:45. "Nordsjaelland" (Danimarka) – "Çelsi" (İngiltərə) - 0:4
Qollar: Mata, 33 (0:1), 82 (0:3), David Luiz, 80 (0:2), Ramires, 89 (0:4)

G qrupu
 
21:00. "Spartak" (Moskva, Rusiya) – "Seltik" (Şotlandiya) - 2:3
Qollar: Hooper, 13 (0:1), Emenike, 41 (1:1), 48 (2:1), Kombarov, 71-avtoqol (2:2), Samaras, 90 (2:3)

23:45. "Benfika" (Portuqaliya) – "Barselona" (İspaniya) - 0:2
Qollar: Aleksis Sançez, 6 (0:1), Fabreqas, 56 (0:2)

H qrupu
 
23:45. "CFR Kluj" (Rumıniya) - "Mançester Yunayted" (İngiltərə) - 1:2
Qollar: Kapetanos, 14 (1:0), Van Persi, 29 (1:1), Van Persi, 49 (1:2)

23:45. "Qalatasaray" (Türkiyə) – "Braqa" (Portuqaliya) - 0:2
Qollar: Ruben Mikael, 27 (0:1), Alan, 90+4 (0:2)

3 oktyabr
 
A qrupu
 
23:45. "Porto" (Portuqaliya) – PSJ (Fransa)
23:45. "Dinamo" (Kiyev, Ukrayna) - "Dinamo" (Zaqreb, Xorvatiya)

B qrupu
 
23:45. "Arsenal" (İngiltərə) - "Olimpiakos" (Yunanıstan)
23:45. "Şalke" (Almaniya) – "Monpelye" (Fransa)

C qrupu
 
21:00. "Zenit" (Rusiya) – "Milan" (İtaliya)
23:45. "Anderlext" (Belçika) – "Malaqa" (İspaniya)

D qrupu
 
23:45. "Ayaks" (Hollandiya) - "Real" (Madrid, İspaniya)
23:45. "Mançester Siti" - "Borussiya" (Dortmund, Almaniya)