Mirça Rednik: "1:3 hesablı məğlubiyyət pis nəticə deyil”

Mirça Rednik: "1:3 hesablı məğlubiyyət pis nəticə deyil”
ÖLKƏ FUTBOLU 15 İyul 2011 / 01:01 3340
-  A +

"Xəzər Lənkəran" klubunun baş məşqçisi Mirça Rednik Avropa Liqasının II təsnifat mərhələsinin ilk görüşündə İsrailin "Makkabi" (Təl-Əviv) komandasına 1:3 hesablı səfər məğlubiyyətini şərh edib. Qol.Az-ın məlumatına görə, rumıniyalı mütəxəssis nəticədən narazı olduğunu bildirib.

Lakin onun fikrincə, futbolçulardan bundan artığını gözləyə bilməzdi. Baş məşqçi fasilədən sonra "Xəzər Lənkəran"ın daha yaxşı oynadığını deyib: “Bəzi futbolçular hazırlıq dövründə 10 gün bizimlə oldular. “Makkabi” 2 qol vurdu, amma ilk və sonuncu qolu onlara hədiyyə etdik. İkinci hissədə daha yaxşı oynadıq. Hesabı dəyişmək üçün şansımız oldu. Fikrimcə, 1:3 hesablı məğlubiyyət pis nəticə deyil”.

Futbolçular haqda danışmaq istəməyən Rednik bildirib ki, cavab oyununda vəziyyəti dəyişmək mümkündür: “İndi futbolçuları tənqid etmək istəməzdim. Düzdü, bəziləri çox da yaxşı oynamadılar. Bütün komanda səhv buraxdı. Kamrandan tutmuş Joao Paoloyadək. Növbəti oyun üçün 1 həftə vaxtımız var, hazırlaşıb nəticə qazana bilərik. Vəziyyəti dəyişmək üçün gücümüz yetər”.

Qeyd edək ki, cavab görüşü iyulun 21-də Lənkəran şəhər mərkəzi stadionunda keçiriləcək.

Daha çox


Son xəbərlər