“Neftçi” “Dinamo” ilə oyuna qədər transferlər etməliydi”

“Neftçi” “Dinamo” ilə oyuna qədər transferlər etməliydi”
ÖLKƏ FUTBOLU 14 İyul 2011 / 14:41 2913
-  A +

“Açığı, mən “Neftçi”dən bu nəticəni heç gözləmirdim. Bu, çox ağır məğlubiyyətdir. Əlbəttə, rəqibin də güclü olduğunu vurğulamaq lazımdır. Ancaq bir şey də var ki, xorvatlar nə qədər də güclü olsa da, belə məğlubiyyət yaşanmamalı idi”.

Bu sözləri “Neftçi”nin Çempionlar Liqasındakı dünənki oyununu şərh edən veteran futbolçu Kamal Quliyev Qol.Az-a deyib.

Onun fikrincə, uğura daha çox “Neftçi”nin ehtiyacı vardı: “Xeyli vaxt idi ki, “Neftçi” avrokuboklardan uzaq qalmışdı. Bu şansdan yararlanaraq öz gücünü göstərməliydi. Əgər komanda Çempionlar Liqasında oynayırsa, mütləq müxtəlif mövqelərə transferlər etməliydi ki, “Dinamo” ilə matça tam hazır çıxsın.

Məncə, bu gün komanda 3 top buraxırsa, deməli, müdafiədə problemlər var. Ola bilər ki, 2-ci qoldan sonra komandanın oyun sistemində pozuntular oldu və nəticədə belə ağır məğlubiyyət aldılar. Mən deyərdim ki, “Dinamo”əvvəlkindən də əzəmətli görünürdü”.

K.Quliyev inandığını bildirib ki, doğma divarlar arasında “Neftçi” məğlubiyyətin əvəzini minimal hesabla olsa da çıxa biləcək.

 

Daha çox


Son xəbərlər