Emil Mpenza: "Dinamo" yalnız kağız üzərində favoritdir"

Emil Mpenza: "Dinamo" yalnız kağız üzərində favoritdir"
ÖLKƏ FUTBOLU 13 İyul 2011 / 11:12 3814
-  A +

"Siz fikirləşirsiniz ki, mən əvvəlki kimi təhlükəli deyiləm. Əslində "Dinamo"nun futbolçularının belə düşünməsi yaxşıdır. Onlar mənim kim olduğumu meydanda görəcəklər". Qol.Az-ın məlumatına görə, bu sözləri "Neftçi"nin belçikalı hücumçusu Emil Mpenza Xorvatiya mətbuatına verdiyi müsahibədə deyib.

"Mən Azərbaycanda olduğum üçün çox şadam. Çox mehriban komanda yoldaşlarım var. "Neftçi"nin prezidenti də böyük şəxsiyyətdir. Mən "Neftçi"də böyük həvəslə oynayıram. Oyuna gəldikdə isə axşamkı görüşdə favorit "Dinamo"dur. Lakin bu yalnız kağız üzərində belədir. Biz də Zaqrebə qələbə qazanmaq üçün gəlmişik. Lakin hər zaman qələbə qazanmaq olmur. Düşünürəm ki, maraqlı görüş olacaq.

"Dinamo"nun oyunçuları böyük stress altındadır. Çünki onlar yeni qurulmuş "Maksimir" stadionunda qələbə qazanmaq niyyətindədirlər. Lakin "Neftçi"nin oyunçularına qarşı isə heç bir təzyiq yoxdur. Mən ötən mövsüm "Neftçi"nin heyətində Azərbaycan çempionu oldum. 33 yaşım olmağıma baxmayaraq, özümü hələ də gənc hiss edirəm. Karyeramı bitirmək haqda da düşünmürəm.

"Dinamo" futbolçuları isə mənim haqda yanlış fikirdədirlər. Onlar məni əvvəlki kimi təhlükəli hesab etmirlər. Bu isə mənim qol vurmaq işimi daha da asanlaşdıracaq. Ümid edirəm ki, axşamkı oyunda qol vurmaqla hələ də təhlükəli olduğumu sübut edəcəyəm".

Daha çox


Son xəbərlər