"Neftçi"nin Çempionlar Liqasına qayıdışı uğursuz oldu

Bu gün Çempionlar Liqasının ikinci təsnifat mərhələsində daha 11 oyun keçirib. Qol.Az-ın məlumatına görə, 6 illik fasilədən sonra yenidən ÇL-də mübarizə aparacaq "Bakı"nın "Neftçi" klubu səfərdə ilk görüşünə çıxıb.

Arif Əsədovun komandası səfərdə Xorvatiyanın "Dinamo" (Zaqreb) klubu ilə qarşılaşıb. Dörd il aradan sonra yenidən qitəmiqyaslı turnirə qayıdan "Neftçi" "Maksimir" stadionunda sərfəli nəticəyə ümid edirdi. Lakin "Neftçi"nin Çempionlar Liqasına qayıdışı uğursuz alınıb və komandamız rəqibinə 0:3 hesabı ilə məğlub olub.

Son Azərbaycan çempionu "Neftçi" bu dəfə də ÇL-də mərhələ adlayacağı halda çox böyük üstünlük qazanmış olacaqdı. Yəni, "Neftçi" "Dinamo" səddini keçəcəyi halda, avrokuboklarda ən azı 4 görüş daha keçirməli olacaq ki, bu da komandamız üçün əlavə üstünlük demək idi.
Lakin "Neftçi" komandasının Zaqrebdə böyükhesablı məğlubiyyəti sadalanan üstünlüyün Arif Əsədovun komandasına heç bir aidiyyatı olmadığını göstərdi.

"Neftçi"nin Bakıda bu məğlubiyyətin əvəzini çəxacağı heç də inandırıcı görünmür. Cavab görüşü iyulun 19-da Tofiq Bəhramov adına Respublika stadioununda keçiriləcək.

Qeyd edək ki, "Dinamo" - "Neftçi" cütünün qalibinin növbəti mərhələdəki rəqibinə isə iyulun 15-də keçiriləcək püşkatma mərasimindən sonra aydınlıq gələcək.

13 iyul

Çempionlar Liqasının ikinci təsnifat mərhələsi

23:00. "Dinamo" – "Neftçi" - 3:0
Qollar: Milan Badelj, 38 (1:0), İvan Krstanovuiç, 46 (2:0), 65 (3:0)
Hakimlər: Antoni Qotye, Mixael Annonye, Kristof Kapelli, Ruddi Buke (hamısı Fransa).
Hakim-inspektor: Vaslav Krondl (Çexiya).
UEFA nümayəndəsi: Sune Hellströmer (İsveç).
Zaqreb. “Maksimir” stadionu

"Dinamo": 30. İvan Kelava, 3. Luis İbanyes, 7. Yerko Leko, 10. Sammir, 13. Tonel, 14. Şime Vrsalko, 16. Milan Badel (k), 20. Mehmed Alispahiç, 21. Fatoş Beçiray, 24. Domaqoy Vida, 99. İvan Krstanoviç

"Neftçi": 30. Saşa Stamenkoviç, 2. Rail Məlikov (k), 3. Denis Silva, 5. İqor Mitreski, 6. Slavço Georgiyevski, 7. Rodriqinyo, 9. Flavinyo, 10. Emil Mpenza, 15. Ruslan Abışov, 16. Alessandro Viana da Silva, 27. Rəşad Abdullayev

Ehtiyat oyunçular

"Dinamo": 12. Filip Lonçariç, 5. Adrian Kalelyo, 6. Ariyan Ademi, 8. Mateo Kovaçiç, 11. İvan Tomaşek, 18. Mario Şitum, 55. Ante Rukavina

"Neftçi": 1. Rauf Mehdiyev, 4. Tərlan Quliyev, 11. Cavid Hüseynov, 14. Bahodir Nasimov, 18. Ruslan Əmircanov, 19. Mirhüseyn Seyidov, 25. Cavid İmamverdiyev. 


Oyun başladı.

1. Mitreski Sammirə qarşı qaydanı pozur və hakim cərimə zərbəsi təyin edir.
3. Alispahiç Flavinyo və Georgiyevskiyə qarşı qaydanı pozur
5. Railin yerinə yetirdiyi cərimə zərbəsi effektsiz alınır.
6. Krstanoviç topu ələ keçirib hücuma keçsə də, hakim ofsayd qeydə alır.
10. İbanesin cərimə zərbəsi təhlükəli alınsa da, hər şey bizim üçün yaxşı qurtarır.
12. "Neftçi" futbolçuları bu dəqiqələrdə çox top itkisinə yol verir və rəqib daha bir künc zərbəsi qazanır.
14. Krstanoviçin təhlükəli zərbəsini Stamenkoviç əla reaksiya ilə dəf edir.  
15. Rail Krstanoviçə qarşı qaydanı pozur və növbəti cərimə zərbəsi təyin olunur.
16. Alispahiçin yerinə yetirdiyi cərimə zərbəsini müdafiəçilərimiz qaytarır, təkrar zərbəni isə qapıçımız tutur.
19. Əks-hücum zamanı Mpenza topu qapıya doğru vursa da, zərbəsi dəqiq alınmır.
23. Oyun əsasən meydanın mərkəzində gedir.
27. Flavinyonun oyunu heç cür alınmır. Rəqib daha çox topa sahib olur.
29. Mpenzanın daha bir zərbəsi qeyri-dəqiq alınır
33. "Neftçi"nin müdafiə xətti hələ ki, inamlı təsir bağışlayır. Rəqibin təhlükəli hücumlarının qarşısını ala bilir.
34. Krstanoviç Denis Silvaya qarşı qaydanı kobudluqla pozur və hakim tərəfindən sarı vərəqə ilə cəzalandırılır.
37. Alessandronun səhvindən maksimum istifadə edən Badelj dəqiq zərbə ilə hesabı açır - 1:0
38. Sammirin zərbəsi isə qeyri-dəqiq alınır.
40. Kelava çıxışda səhvə yol versə də, Mpenza bunu dəyənləndirə bilmir.
42. Rodriqinyonun uzaqdan zərbəsi isə qapının üstündən keçir.
44. "Neftçi"də ilk əvəzləmə: Mitreskini Cavid Hüseynov əvəzləyir

İkinci hissə başladı

46. İkinci hissə başlayan rəqib fərqi artırır. Rail Məlikovun kobud səhvindən sonra Krstanoviç fərqlənir - 2:0
47. Flavinyonun zərbəsi qapının yanından ötür.
49. Beçirayın zərbəsi dəqiq alınmır
50. Leko Flavinyoya qarşı kobud oynayır və sarı vərəqə alır
54. Oyun əsasən meydanın mərkəzində gedir.
58. Rəqib oyunçu yerdə qalsa da, hakim oyunu saxlamır, daha sonra isə "Dinamo"nun futbolçuları topu meydandan çıxarır.
60. "Neftçi" təhlükəli gəlir, Flavinyonun baş zərbəsi qapının üstündən keçir.
61. Flavinyodan daha bir zərbə qapıçı yaxşı oynayır.
65. Saşa rəqibə qarşı kobud oynayır və baş hakim qapıçımıza sarı vərəqə göstərməklə penalti nöqtəsini göstərir. Krstanoviç vurur və - 3:0
68. "Neftçi" hücuma atılır. Komandamız ənənəvi künc zərbəsini yerinə yetirsə də, son zərbə dəqiq alınmır.
70. "Dinamo" cərimə zərbəsi yerinə yetirir və qapıçımız topu tutur.
72. Rəqib təzyiqi artırır. Müdafiəçilərimiz isə bu dəqiqələrdə müəyyən səhvlərə yol versə də, hər şey bizim üçün yaxşı qurtarır.
74. Krstanoviç yerdə qalır və hakim Alessandroya sarı vərəqə göstərir.
76. Yerko qapıya doğru zərbə endirir və Saşa topu kornerə çıxarır.
80. "Neftçi"nin hücumları nəticəsiz qalır. Rəqib topu özündə saxlamağa üstünlük verir.
82. "Neftçi" hücuma atılır. Yenə də Flavinyonun zərbəsi qapının yanından ötür.
83. Rəqib topu özündə saxlamaqla vaxt keçirir.
85. Nəsimov rəqibə qarşı kobud oynayır və sarı vərəqə ilə cəzalandırılır.
87. "Neftçi" künc zərbəsindən də yararlana bilmir.
89. "Dinamo" oyunun tempini aşağı salmaqla "Neftçi"ni topsuz qoyur.
90. Rəqibin daha bir hücumu nəticəsiz qalır.

İkinci hissəyə 3 dəqiqə əlavə edilir.

Oyun başa çatdı. "Neftçi" "Dinamo"ya 0:3 hesabı ilə məğlub oldu.