13:34
Bu gün AFFA-nın rəsmi saytı məhşur CNN telekanalının futbolumuz haqda süjet yayımlaması haqda xəbər yayıb.
Xəbərdə deyilir ki, iyunun 6-da Azərbaycan futbolunun 100 illik yubileyi münasibətilə AFFA tərəfindən təşkil olunmuş müxtəlif tədbirlərdə xarici KİV nümayəndələri də iştirak ediblər.
Tanınmış CNN televiziya kanalında Azərbaycan futbolu, «Dalğa Arena»nın açılış mərasimi barədə süjet hazırlanaraq yayımlanıb. Süjetdə Tofiq Bəhramov haqda məlumat verilib, FİFA-nın prezidenti Yozef Blatter və AFFA-nın baş katibi Elxan Məmmədovun müsahibələri yer alıb. Qeyd olunan süjet CNN kanalının videosaytında da yerləşdirilib.
Qeyd edək ki, CNN kimi nəhəng kanalda nəinki futbolumuz, ümümiyyətlə, Azərbaycanın özü haqda məlumatlar demək olar ki, çox nadir hallarda gedir. Başqa sözlə, bu telekanal ölkəmizə dair xəbərlərə çox xəsisliklə yer ayırır.
Bu kanalı seyr edənlər telekanalda ölkəmiz haqda təbliğat xarakterli videoçarxa tez-tez rast gəliblər ki, buna görə də Azərbaycan dövləti pul ödəyib.
Bu mənada, CNN-in Azərbaycan futbolu haqda 4 dəqiqə 30 saniyəlik sujet yayımlaması maraq doğurmaya bilməz. Əslində, bu, sujetdən daha çox reklam çarxına bənzəyir və heç şübhəsiz, CNN olmayan futbolumuzun «qara qaş»ına «aşiq» olduğuna görə bunu yayımlamayıb. Rəsmən təsdiqlənməsə belə, AFFA-nın bu çarxa görə CNN-ə pul ödədiyi şübhə doğurmur. CNN kimi kanalda belə süjetlərin getməsini qiyməti isə 3-5 manat yox, ən azı on min dollarlarla ölçülür.
AFFA-nın İnformasiya və İctimaiyyətlə Əlaqələr Departamentinin rəhbəri Mikayıl Nərimanoğlu Qol.Az-ın müxbiri ilə söhbətində deyib ki, təmsil etdiyi qurum buna görə CNN-ə pul ödəməyib: «Biz onları Bakıya dəvət etmişdik və onlar Azərbaycan futbolunun 100 illiyi münasibətilə tədbirdən süjet hazırlayıblar».
Əslində CNN kimi kanalda hətta belə süjetlərin getməsi belə müsbət amildir. Amma bunu guya dünyanın nəhəng telekanalının Azərbaycan futboluna sevgisinə görə etdiyini düşünmək absurd olardı.
Hər halda, buna görə pul ödəyən AFFA rəhbərliyi bu çarxla sübut etmək istəyib ki, onların fəaliyyəti CNN-in diqqətini cəlb edib.
Əslində isə, dediyimiz kimi, reklam çarxına bənzəyən bu süjet üçün heç də az olmayan pul ödənilib.
Videoya diqqətlə baxın və sonda özünüz də qərar verin: CNN-in futbolumuza bu cür sevgisi birdən-birə haradan yarandı?
"Çelsi" onu satdı
"Lester"dən "Beşiktaş"a
"Levski" tarixi klubdur" - Cesse Sekidika
"Bizi nəyin gözlədiyini bilirəm" - Valdas Dambrauskas
"Şamaxı" Şuaybunun transferini rəsmən açıqladı
“Qəbələ”də yeni təyinat - Rəsmi
“İmişli” “Şamaxı” ilə oyundan imtina etdi
"Levski"nin qapıçısı sabahkı oyundan danışdı
“Sabah” artıq Bolqarıstandadır - Şəkillər
"Milan" üçün İtaliyaya uçdu
Stanislav Çerçesovun yeni iş yeri məlum oldu
"Karvan"dan 13-cü transfer
“Liverpul”dan Fransa klubuna - Rəsmi
"Çelsi" 18 yaşlı futbolçu aldı
İngiltərə Premyer Liqası Azərbaycanda bu kanalda
"Araz-Naxçıvan"ın oyunlarının hakimləri açıqlandı
"Mançester Yunayted"lə razılaşdı
"İmişli" qanalı futbolçu transfer etdi
"Barselona"nın "Kamp Nou"ya qayıdacağı vaxt məlum oldu
Darvin Nunyes "Liverpul"u tərk edir
"Qəbələ"dən Abdullahi Şuaybu ilə bağlı qərar - Rəsmi
