22:28
Futbol dünyasında oyunçuların meydanda danışarkən əlləri ilə ağızlarını bağlaması vərdişi yaxın gələcəkdə rəsmən qadağan oluna bilər.
QOL.az xəbər verir ki, bu məsələ ötən həftə Çempionlar Liqasının "Benfika" - "Real" matçında yaşanan hadisədən sonra yenidən gündəmə gəlib. Sözügedən oyunda Vinisius Junior rəqib futbolçu Canluka Prestiannini irqçilikdə ittiham edib. Lakin argentinalı oyunçu ağzını forması ilə örtdüyü üçün nə dediyini dəqiq müəyyənləşdirmək çətinlik yaradıb.
"Real"ın qapıçısı Tibo Kurtua mətbuat konfransı zamanı bu ehtimal olunan qadağaya münasibət bildirib:
"Bəzən komanda yoldaşınla elə şeylər danışmaq istəyirsən ki, kimsə eşitməsin. Amma əgər bu qərar təhqirlərə son qoymaq üçün veriləcəksə, əla olar. Əgər bu, irqçiliyə son qoyacaqsa, mənim üçün heç bir problem yoxdur".
Qeyd edək ki, "Real" və "Benfika" fevralın 25-də Madriddə cavab matçına çıxacaqlar.
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
