22:28
"Yuventus" yarımmüdafiəçisi Ueston Makkenni ilə müqavilənin müddətini uzatmağa hazırlaşır.
QOL.az xəbər verir ki, insayder Fabrisio Romanonun yaydığı məlumata görə, tərəflər arasında razılıq əldə olunub və hazırda proses yekunlaşmaq üzrədir. Turin klubu amerikalı futbolçunu yenilənmiş "qoca sinyora"nın əsas sütunlarından biri kimi görür.
Yeni müqavilənin 2030-cu ilin iyununa qədər, yəni 4 illik olması nəzərdə tutulub. Klub rəhbərliyinin 27 yaşlı oyunçuya mövsümlük təxminən 4 milyon avro maaş təklif etdiyi bildirilir. Bütün sənədlər imzalandıqdan sonra rəsmi açıqlamanın yaxın günlərdə veriləcəyi gözlənilir.
Qeyd edək ki, Makkenni cari mövsümdə "Yuventus"un heyətində 36 matça çıxıb, 7 qol və 7 məhsuldar ötürmə ilə yadda qalıb.
"Mançester Yunayted"in futbolçusu sıradan çıxdı
Turin klubu yeni baş məşqçisini açıqladı
Futbolçuya həm cərimə, həm 6 aylıq qadağa tətbiq olundu
