23:09
"Çelsi" İngiltərə Premyer Liqasının 27-ci turunda "Bernli" ilə 1:1 hesablı heç-heçəyə razılaşıb.
QOL.az xəbər verir ki, London təmsilçisi matçdan sonra bir neçə mənfi statistik göstərici ilə gündəmə gəlib. Klub qələbəni oyunun son saniyələrində əldən verməklə yanaşı, intizamsızlıq rekordu ilə də yadda qalıb.
Belə ki, Uesli Fofananın matçda aldığı qırmızı vərəqə komandanın bu mövsüm Premyer Liqadakı 6-cı kənarlaşdırılması olub. Bununla da London klubu özünə məxsus olan 2007/08 mövsümündəki antirekordu təkrarlayıb.
Bundan başqa, cari mövsümdə "Çelsi"nin futbolçuları bütün turnirlərdə (Klublararası dünya çempionatı istisna olmaqla) 8 dəfə meydandan qovulublar. Bu, İngiltərə klubları arasında son 10 ilin (2015/16 mövsümündən bəri) ən yüksək göstəricisidir. Xatırladaq ki, 2015/16 mövsümündə "Vest Hem" 9 qırmızı vərəqə ilə yadda qalıb.
Qeyd edək, "Çelsi" cari mövsümdə doğma meydanda hesabda öndə olduğu oyunlarda ümumilikdə 17 xal itirib. Klub tarixində bundan daha pis göstərici yalnız 1995/96 mövsümündə (20 xal) qeydə alınıb.
"Turan Tovuz" "Zirə"yə belə qalib gəldi - Video
"Bir xalı qənaətbəxş sayıram" - Saşa İliç
"Turan Tovuz" 3-cü pilləyə yüksəldi, Sumqayıtda heç-heçə
Azərbaycan çempionatında final partiyaları oynanılıb
Sadıqov “Turan Tovuz” azarkeşlərinin şüarı haqda - Video
"Turnir cədvəlinə fikir vermirik" - Kurban Berdıyev
"Komandada çaşqınlıq var idi" - Rəşad Sadıqov
"Sumqayıt" - "Qəbələ": Heyətlər açıqlandı
Nərimanın ABŞ klubuna qoşulmağı ləngiyir
