Premyer Liqa klubları koreyalı futbolçunu hədəfə aldı

Premyer Liqa klubları koreyalı futbolçunu hədəfə aldı
DÜNYA FUTBOLU 19 Fevral 2026 / 22:54 535
-  A +

 "Çelsi" və "Tottenhem" klubları gələn yay transfer pəncərəsində "Bavariya"nın mərkəz müdafiəçisi Kim Min-Ceni hədəfə alıb.

QOL.az "Topskills Sports UK" nəşrinə istinadən xəbər verir ki, hər iki Premyer Liqa təmsilçisi Cənubi koreyalı 29 yaşlı müdafiəçini heyəti gücləndirmək üçün əsas namizəd hesab edir. "Çelsi" rəhbərliyi təcrübəli müdafiəçinin axtarışını prioritet elan edib və futbolçunu klubun müdafiə xəttinin yeni sütunu kimi görür.

"Tottenhem" də futbolçunun inkişafını uzun müddətdir izləyir və bir neçə müdafiəçisinin gələcəyinin qeyri-müəyyən olduğu bir vaxtda Kimi heyətə cəlb etməyə hazırlaşır.

Qeyd edək ki, "Bavariya" futbolçu ilə 2028-ci ilə qədər müqaviləsi olmasına baxmayaraq ciddi təklifləri nəzərdən keçirməyə hazırdır.

Məlumata görə, Kim Min-Ce cari mövsümdə Münhen klubunun heyətində bütün turnirlərdə 23 oyuna çıxıb, 1 qol və 1 məhsuldar ötürmə ilə yadda qalıb. 


Son xəbərlər
topaz banner