19:23
Misli Premyer Liqasının 13-cü turunda "Qəbələ" doğma meydanda "Araz-Naxçıvan"a 2:1 hesabı ilə qalib gəlib.
QOL.az xəbər verir ki, "Qəbələ" komandasının baş məşqçisi Kaxaber Sxadadze matçdan sonra keçirilmiş mətbuat konfransında oyun barədə fikirlərini bölüşüb.
- Futbolçularımı təbrik edirəm, bu gün əsl xarakter nümayiş etdirdilər ki, bu da bizim üçün çox vacibdir. İki gün əvvəl klub prezidenti ilə səmərəli görüşümüz olmuşdu və onlara layiqli mübarizə aparacağımıza dair söz vermişdik. Qarşılaşma bir qədər gərgin başladı. "Araz-Naxçıvan"ın güclü hücum potensialı var, buna görə də startda həyəcan hiss olunurdu və sadə top itkilərinə yol verirdik. Lakin qol vurduqdan sonra komanda sakitləşdi, oyunumuz daha rahat alındı. Təəssüf ki, yenə standart vəziyyətdən qapımızda qol gördük. İkinci hissəyə daha yaxşı başladıq və rəqibə qol şansı vermədik. Çoxlu qol epizodları yaratsaq da, onları reallaşdırmaqda çətinlik çəkirik. Bugünkü oyun göstərdi ki, potensialımız daha böyükdür. Hələ cəmi bir qələbə qazanmışıq, qarşıda bizi çox oyun gözləyir. Bu nəticədən düzgün dərs çıxarıb yolumuza davam etməliyik.
- Neçə turdur ki, qələbə qazanacağınız gözlənilirdi. Bu qalibiyyətin "Qəbələ"nin sizdən əvvəlki baş məşqçisi Elmar Baxşıyevin komandası üzərində olacağını gözləyirdiniz?
- Bizim Elmar Baxşıyevə böyük hörmətimiz var. Həm yaxşı insandır, həm də yaxşı məşqçidir. Sadəcə elə alındı ki, onun komandası ilə matçda qələbə qazandıq.
- Nuğay Rəşidov bu gün meydanda ən yaxşılardan idi. Onun performansını necə dəyərləndirirsiniz?
- Gənc futbolçunun belə inamlı oyunu bizi sevindirir. Lakin onu çox tərifləməyə tələsməməliyik, Nuğay stabil çıxış etməyi öyrənməlidir. Bu gün Eşqin də əzmkar mübarizəsi ilə seçildi. Nicatı xüsusi qeyd etmək istəyirəm, o, zədəli olmasına baxmayaraq meydana çıxdı və var gücünü ortaya qoydu. Bütün futbolçularıma təşəkkür edirəm, bu gün əsl xarakter nümayiş etdirdilər.
- Murad Musayevin son dəqiqələrdə qırmızı vərəqə almasına münasibətiniz necədir?
- Muradın oyunda yeganə səhvi həmin anda gecikməsidir. O, tək kapitan deyil, meydanda lider kimi oynayır. Bəlkə də qırmızı vərəqə almaqla bizi xal itkisindən xilas etdi.(sportal.az)
"Qarabağ" "Karvan-Yevlax"ı belə məğlub etdi - Video
Noyer Bundesliqa tarixində birinciliyə yaxınlaşır
“Beşiktaş”ın futbolçusu sıradan çıxdı
Yankoviç-Silva mübahisəsinə - Qurban Qurbanovdan münasibət
Özü də gözəl, qolu da! - Video
Alonso "Real"ın zədəli futbolçularının vəziyyətindən danışdı
"Səbail" yeni baş məşqçisini açıqladı
Azərbaycan millisi turnirə qələbə ilə başladı - Yenilənib
“Qarabağ” “Karvan-Yevlax”a, "Sabah" "İmişli"yə qalib gəldi
Baş məşqçi Həşimovdur, komandanı oyuna çıxaran isə Məmmədov
“VAR yenə əleyhimizə qərar verdi” - Jorj Kaşkilya
“Sabah”ın baş məşqçisi meydançanın durumundan narazıdır
"Azarkeşlər üçün mübarizə aparmağa davam edəcəyik"
“Çelsi” Murillonu hədəfə aldı
Millimiz Şimali Makedoniyaya uduzdu
"Qarabağ" - "Karvan-Yevlax": Heyətlər
Azərbaycan boksçusu Avropa çempionu oldu
Avrokubok oyununda etdiklərinə görə həbs olundular
Hidayət Heydərov medalsız qaldı
