23:05
“Kəpəz”i Premyer Liqada Azər Bağırov saxladı. Özü də necə saxladı? Komanda oyunu ilə”.
Bu sözləri QOL.az-a açıqlamasında Azərbaycanın Əməkdar məşqçisi Ağasəlim Mircavadov deyib.
78 yaşlı mütəxəssis ötən gün “Kəpəz”in baş məşqçi Azər Bağırovu istefaya göndərməsinə təəccübləndiyini və təəssüfləndiyini bildirib: “Çox qəribədir. Mən də mat-məətəl qalmışam ki, niyə onu komandadan göndərdilər. Axı “Kəpəz”i düzəltmişdi, öz oyunları var idi. Qələbələri də öz oyunları hesabına qazanırdılar. Birdən-birə niyə onu uzaqlaşdırdılar? Bu, o deməkdir ki, klublarımız azərbaycanlı məşqçilərə güvənmirlər. Əgər yerli məşçilərə güvənmirlərsə, onda niyə hər 2 ildən bir AFFA Pro kursları təşkil edir? Nəyə lazımdır bu? Bunu etməsinlər də. Bilək ki, bizdə yerli məşqçi yoxdur. Məşqçini ancaq xaricdən gətirirlər”.
A.Mircavadov “Kəpəz”də Azər Bağırova qarşı haqsızlıq olduğunu bildirib: “Azər Bağırovu komandanın ən çətin vəziyyətində dəvət etdilər. O da bu ağır yükü boynuna götürdü və işinin öhdəsindən çox uğurla gəldi. Deməli, bu adam öz işini davam etdirməyə layiq idi. “Kəpəz”in futbolçuları da Azər Bağırova inanırdılar. Bu, futbolda ən əsas amillərdən biridir. Baş məşqçi komandanı bir ailə kmi yığırsa, orda uğur başlayır. Hər komandada bunu yaratmaq olmur. Yəqin ki, Azər Bağırovun yerinə əcnəbi məşqçi gətiriləcək. Klubda yeni rəhbərlik var. Çox qəribədir ki, həmişə yeni gələn rəhbərlik, sponsor iki gözlə əcnəbi mütəxəssis axtarır. Heç olmasa gözün biri Azərbaycan tərəfə baxsın də. Vallah belə olmaz. Yerli məşqçilərimiz öz işlərini yaxşı bilirlər. SSRİ dönəmindən indiyə qədər klublarımıza baxsaq, görərik ki, bütün uğurlar yerli məşqçilərin adı ilə bağlıdır. Bəs niyə yerlilərə inanmırlar? Çox qəribədir. Amma mən inanıram ki, yaxın gələcəkdə bizim klublarımız öz səhvlərini başa düşəcəklər və yerli məşqçilərə güvənəcəklər. Mən buna əminəm”.
Ramiq Ağaməmmədov
İngiltərə Premyer Liqasında mövsümün rəmzi komandası
La Liqada mövsümün ən yaxşı məşqçisi adına namizədlər
AFFA U-15 Liqasının qalibi məlum oldu
"Milan"ın yeni idman direktoru açıqlandı
"Everton"da 4 ayrılıq
"Mançester Yunayted"dən 100 milyonluq transfer icazəsi
Xabi Alonso "Real"a təyinatından danışdı
Vladimir Putin Murad Musayevi təbrik etdi
"Arsenal"dan 5 illik müqavilə təklifi
ÇL finalından əvvəl o da səhnə alacaq
