18:56
“Qarabağ”ın yarımmüdafiəçisi Kadi Borges jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:
- “Qarabağ”a geridönüşünüzü necə qiymətləndirirsiniz? Bu mövsüm sizin üçün nə ilə yadda qaldı?
- Bu mövsümü hər zaman sevgi ilə xatırlayacam. Çünki getdiyin kluba qayıdanda müəyyən şübhələr olur. Çox şükür ki, mənim üçün hər şey uğurlu alındı. Çempin olduq. Artıq kubokun finalını düşünməliyik.
- Final üçün şansları necə dəyərləndirirsiniz?
- İnanıram ki, bütün finallar kimi, bu matç da maraqlı keçəcək. Oyun ərzində qol epizodlarının çox olacağını düşünmürəm. Layiqli olan qələbə qazansın.
- Azarkeşlər yenidən “Qarabağ”ın Çempionlar Liqasının qrupunda oynamasını arzulayırlar. Bu, nə dərəcə realdır?
- Hər il olduğu kimi, bu ilə də məqsədimiz Çempionlar Liqasının qrupudur. İnanıram ki, hər nə qədər çətin olsa da, bu dəfə hədəfimizə çatacağıq. Bunun üçün əlimizdən gələni edəcəyik.
- Mətbuatda Juninyonun “Qarabağ”a qayıdacağı barədə xəbərlər yayılıb. Onunla birgə oynamaq istərdinizmi?
- Mətbuatda, sosial şəbəkələrdə bu cür xəbərlər çox çıxır. Deyilənlərə inanmaq lazım deyil. Çünki 5 milyon ödəyən klub onu asanlıqla icarəyə buraxmaz. Bu cür xəbərlərə diqqət yönəltməməliyik. “Qarabağ”ın potensialı istədiyi hədəfə çatmağa imkan verir.
- Əvvəlki “Qarabağ” gəlişinizdən sonrakı “Qarabağ”dan nə ilə fərqlənir?
- O qədər də böyük fərq, dəyişiklik görmürəm. Baş məşqçimizin iş metodu eynidir. Komandada müntəzəm olaraq heyət dəyişir. Ümumi götürdükdə böyük dəyişiklik hiss olunmur.
- Bəs cari mövsümdə ölkə çempionatında hansı komanda sizi təəccübləndirdi?
- Müqayisə apardıqda əvvəlki illərlə müqayisədə liqada inkişaf görürəm və ümid edirəm ki, belə də davam edəcək.
PSJ-dən "Vilyarreal"a
AFFA prezidentindən də “Qarabağ”a təbrik
Prezident “Qarabağ”ı təbrik etdi
Qurban Qurbanovdan Çempionlar Liqası şərhi
Püşkatma nə vaxtdır? - “Qarabağ” üçün 8 rəqib
"Qarabağ" Çempionlar Liqasında!
“Araz-Naxçıvan” ÇL-ə böyükhesablı qələbə ilə başladı
"Mançester Yunayted"in futbolçusu "Çelsi"yə keçəcək
İtaliya millisinin sabiq müdafiəçisi karyerasını bitirdi
"Qarabağ" "Ferensvaroş"la oyuna bu heyətlə çıxır
Millimizin qapıçısı karyerasını Kosovoda davam etdirəcək
İslandiya millisinin Azərbaycana qarşı heyəti açıqlandı
İngiltərədən "Borussiya"ya
"Real"ın futbolçusu "Marsel"ə keçir
"Liverpul"un sabiq futbolçusu aşağı liqa klubunda
Nihat Kahvecidən "Qarabağ"la bağlı nikbin açıqlama - Video
