"Qarabağ" bir illik fasilədən sonra yenidən Quzanlıda

"Qarabağ" bir illik fasilədən sonra yenidən Quzanlıda
ÖLKƏ FUTBOLU 5 May 2011 / 18:37 2690
-  A +

Unibank Premyer Liqasının 31-ci turunun "Qarabağ" - "Neftçi" oyununun Ağdamın Quzanlı qəsəbəsi stadionunda keçiriləcəyi rəsmən təsdiqlənib.

Qol.Az-ın məlumatına görə, bununla bağlı klubun rəsmi saytının yaydığı açıqlamada bildirilir ki, "Qarabağ" Futbol Klubu xüsusilə, Qarabağ camaatının arzusunu nəzərə alaraq Ağdam Rayon İcra Hakimiyyətinin müraciətinə əsasən klublara ev oyunlarını keçirmək üçün müraciət ünvanlanlayıb: "Neftçi" Peşəkar Futbol Klubu Peşəkar Futbol Liqasına (PFL) müraciətində Premyer Liqanın 31-ci turunda baş tutacaq "Qarabağ" - "Neftçi" oyununu Quzanlıda oynamağı razılıq verib. PFL-in də razılığı əsasında "Qarabağ" - "Neftçi" oyunu Quzanlıda keçiriləcək".

Məlumatda deyilir ki, mayın 13-də Quzanlıda baş tutacaq oyun saat 16:00-da başlanacaq.

Xatırladaq ki, "Qarabağ" Quzanlı qəsəbəsində son ev oyununu ötən ilin may ayında keçirmişdi. Sonradan klubla Ağdam Rayon İcra Hakimiyyəti arasında yaranmış narazılıqdan sonra "Qarabağ" Quzanlıya getməkdən imtina etmişdi.

Daha çox


Son xəbərlər