Məşhur futbolçu Braziliya klubuna keçdi

Məşhur futbolçu Braziliya klubuna keçdi
DÜNYA FUTBOLU 11 İyul 2024 / 01:30 2401
-  A +

"Aston Villa"nın futbolçusu Filipe Koutinyo karyerasını Braziliyada davam etdirəcək.

QOL.az xəbər verir ki, braziliyalı hücumameyilli yarımmüdafiəçi "Vasko da Qama"ya keçib. Bu barədə klubun mətbuat xidməti məlumat yayıb.

32 yaşlı oyunçu 2024/2025 mövsümünü icarə əsasında A Seriyası təmsilçisinin heyətində keçirəcək.

Filipe Koutinyo ötən mövsümü Qətərin "Əl-Duhail" klubunda icarədə olub.

Qeyd edək ki, Koutinyo "Vasko da Qama"nın yetirməsidir. Braziliyalı futbolçu karyerası ərzində “İnter”, “Espanyol”, “Liverpul”, “Barselona” və “Bavariya” kimi klublarda da çıxış edib. Bu illər ərzində yarımmüdafiəçi müxtəlif komandalarla UEFA Çempionlar Liqası və Amerika kubokunda ümumilikdə 11 kubok qazanıb.


Son xəbərlər
25.07.24  09:00

"Bavariya" 14 qol vurdu