Türkiyə çempionatının yayım hüququ satıldı - Ən bahalı liqalar sırasına düşdü

Türkiyə çempionatının yayım hüququ satıldı - Ən bahalı liqalar sırasına düşdü
DÜNYA FUTBOLU 4 Mart 2024 / 12:02 6044
-  A +

Türkiyə Futbol Federasiyası (TFF) Superliqanın və 1-ci liqanın yayım hüququ ilə bağlı elan etdiyi tenderə yekun vurub.

QOL.az TFF-nin saytına istinadən yaydığı xəbərə görə, yayım hüququ 182 milyon dollara (168 milyon avro) "beIN Sports" şirkətinə (hazırkı yayımçı kanal) satılıb. Şirkət "Saran" Media Qrupunu qabaqlayaraq qarşıdakı üç mövsümdə (2024-25, 2025-26 və 2026-27) yayım hüququna sahib olub.

NTV-nin yaydığı xəbərə görə, bununla da Türkiyə liqası 6-cı yerə yüksəlməklə Avropanın ən bahalı çempionatları sırasına daxil ola bilib. 

Qeyd edək ki, hazırda yayım qiymətinə görə Avropanın ən bahalı liqaları aşağıda adları qeyd olunanlardır:

1. İngiltərə Premyer Liqası - 1 milyard 900 milyon avro

2- Almanya Bundesliqası: 1 milyard 8 milyon avro

3. İspanya La Liqası - 990 milyon avro

4. İtaliya A Seriyası - 840 milyon avro

5. Fransa 1-ci liqası 582 milyon avro

6. Türkiyə Superliqası - 168 milyon avro

7. Portuqaliya liqası - 160 milyon avro

8. Niderland liqası - 150 milyon avro

9. Belçika liqası - 103 milyon avro

10. Şotlandiya liqası - 29 milyon avro


Son xəbərlər