"Olimpiya" "Azərsun Arena"da məşqə çıxdı, Dağüstü Parkda oldu - Şəkil

"Olimpiya" "Azərsun Arena"da məşqə çıxdı, Dağüstü Parkda oldu - Şəkil
AVROKUBOKLAR 30 Avqust 2023 / 13:37 6073
-  A +

Sloveniyanın "Olimpiya" komandasının üzvləri avqustun 29-dan Bakıdadırlar.

Qol.az xəbər verir ki, Lyublyana təmsilçisi "Qarabağ"la matça 2 gün qalmış Azərbaycan paytaxtına gəlib. Onlar xüsusi deyil, Türk Hava Yollarına məxsus sərnişin təyyarəsi ilə Bakıya yollanıblar.

Dünən komanda "Qarabağ"a məxsus "Azərsun Arena"nın məşq meydanında hazırlıq keçiblər. Bu gün axşam isə komandanın Tofiq Bəhramov adına Respublika Stadionunda məşqi nəzərdə tutulub.

Qeyd edək ki, bu səhər "Olimpiya" komandasının üzvləri şəhər gəzintisinə çıxıblar. Sloveniya klubunun futbolçuları Dağüstü Parkda da olublar və oradan kollektiv şəkil çəkdiriblər.

Xatırladaq ki, "Qarabağ"la "Olimpiya" Avropa Liqasının pley-off mərhələsi çərçivəsində Bakıda cavab matçına çıxacaqlar. Oyun saat 20:00-da başlanacaq. Bu komandaların Lyublyanadakı ilk görüşündə "Qarabağ" 2:0 hesabı ilə qələbə qazanıb.

Daha çox


Son xəbərlər