"Qarabağ" Sloveniyada yenə qələbə qazandı - Yenilənib

"Qarabağ" Sloveniyada yenə qələbə qazandı - Yenilənib
AVROKUBOKLAR 24 Avqust 2023 / 23:56 29107
-  A +

"Qarabağ" bu gün Avropa Liqasının pley-off mərhələsinin ilk oyununa çıxıb.

Qol.az xəbər verir ki, Ağdam təmsilçisi səfərdə Sloveniya "Olimpiya"sı ilə qarşılaşıb. Matç "Qarabağ"ın 2:0 hesablı qələbəsi ilə başa çatıb.

“Qarabağ” “Olimpiya” ilə 2018-ci ildə Çempionlar Liqasının 1-ci təsnifat mərhələsində də qarşılaşıb və rəqibi üstələyib. Səfərdəki ilk oyunda Ağdam təmsilçisi 1:0 hesabı ilə qələbə qazanıb, cavab oyunu heç-heçə (0:0) nəticələnib.

"Olimpiya" 2022/23 mövsümü Sloveniya çempionatının qalibi olub. Komanda bu mövsüm yarışdığı Çempionlar Liqasının 1 və 2-ci mərhələlərində müvafiq olaraq "Valmiera" (Latviya) və "Ludoqorets"i (Bolqarıstan) mübarizədən kənarlaşdırıb. 3-cü mərhələdə isə "Qalatasaray"a uduzaraq Avropa Liqasında pley-off mərhələsinə düşüb və "Qarabağ"a rəqib olub. Komanda hazırda Sloveniya liqasında 4 oyundan 9 xalla 3-cü yeri tutur (lider "Selye" və ikinci pillədəki "Maribor"dan 1 xal geri qalır).

Qeyd edək ki, bu komandalar arasında cavab görüşü avqustun 31-i keçiriləcək.

24 avqust

22:00. "Olimpiya" (Sloveniya) - "Qarabağ" - 0:2 

Qollar: Kevin Medina, 33 (0:1), Leandro Andrade, 44 (0:2)

Qırmızı vərəqə: David Sualehe, 90+5 ("Olimpiya")
Baş hakim: Georgi Nikolov Kabakov (Bolqarıstan)
"Stozice" stadionu, Lyublyana

Daha çox


Son xəbərlər
20.07.24  09:42

Lukaku "Napoli"də