Küveyt - Azərbaycan - 1:1

ÖLKƏ FUTBOLU 11 Fevral 2009 / 22:47 3922

- A +

Bu gün Küveyt və Azərbaycan milli komandaları arasında yoldaşlıq matçı keçirilib. Qol.Az saytı bu oyunda baş verən ən maraqlı epizodlarla bağlı son yenilikləri verib.

KÜVEYT - AZƏRBAYCAN - 1:1

Azərbaycan milli komandasının start heyəti:i Kamran Ağayev, Rail Məlikov, Saşa Yunisoğlu, Elmar Baxşıyev, Vaqif Cavadov, Aleksandr Çertoqanov, Samir Abbasov, Ernani Pereyra, Leandro Qomeş, Vüqar Nadirov, Tural Cəlilov

Oyun bitdi - 1:1

90-cı dəq. Xeyrimizə küncdən zərbə. Rəqib qapıçı Elvin Məmmədovun ötürdüyü topu yumruqlarıyla uzaqlaşdırır.

90-cı dəq. Yığmamızın son hücumları. 3 dəqiqə əlavə olundu.

88-ci dəq. Oyunun tempi yavaşıdı.

84-cü dəq. Yığmamız hücumlar edir, qol vurmağa çalışır. Oyun bizimkilərin diqtəsiylə keçir. Küveyt isə şansını əks-hücumlarda axtarır.

82-ci dəq. Samir Abbasov künc zərbəsindən ötürülən topa çox təhlükəli zərbə vurdu. Tir Küveyti növbəti qoldan xilas etdi.

81-ci dəq. Bu dəqiqələrdə yığmamız üstün oyun nümayiş etdirir.

80-ci dəq. Yığmamız pressinq tətbiq edir. Rəqib komandada oyunçu dəyişikliyi.

78-ci dəq. Hər iki komanda qola çox yaxın oldu.

77-ci dəq. Yığmamız hücumlar həyata keçirməyə çalışır. Amma ciddi bir şey yoxdur.

76-cı dəq. Hər iki yığmada artıq yorğunluq hiss olunur. Oyunun azacıq yüksəlmiş tempi yenidən düşdü.

Rusiyaya qarşı yığmamız bu cür oynasa, nəticə, çox güman, xeyrimizə olmayacaq.

73-cü dəq. Rəqib komandada oyunçu dəyişikliyi

71-ci dəq. Sağ cinahımız çox axsıyır. Pereyra tez-tez səhvlər edir

71-ci dəq. Aqil Nəbiyev Qomeşi əvəzləyir.

70-ci dəq. Növbəti təhlükəli hücum. Müdafiəçilərimiz qola imkan vermədilər.

69-cu dəq. Rəqib hücumçu qapımıza doğru irəlilədi. Amma cərimə meydançasında Saşa Yunisoğlu cəld tərpəndi və yıxılaraq topu çıxartdı.

67-cı dəq. Rəqibin səhvindən istifadə edərək qol vura bilərdik. Amma top Vaqif Cavadova çatmadı.

66-cı dəq. Bu dəqiqəlırdə yığmamızda azacıq fəallıq hiss olunur.

64-cü dəq. Küveyt yığması uzaqdan zərbələrlə qapımıza yol atmağa çalışır. Amma hələ ki, dəqiq deyillər.

63-cü dəq. Soldan ötürülən topu Qomeş qapıya göndərməyə yaxın olsa da, rəqib müdafiəçi ona mane oldu.

60-cı dəq. Yenə sağ cinahdan hücumlar qurmağa çalışırıq. Amma hücumların kəsəri yoxdur. Küveyt yığması isə imkan düşən kimi sağ cinahdan təhlükəli hücumlar qururlar.

60-cı dəq. Küveyt yığmasında bir neçə oyunçu dəyişdirilir.

59-cu dəq. Küveyt yığması yenidən hücumdadır. İkinci hissədə yığmamız çox zəif təsir bağışlayır.

56-cı dəq. Müdafiəçilərimiz qapımıza doğru irəliləyən oyunçunu kobudluqla durdurdular. Elvin Məmmədov Vüqar Nadirovun yerinə meydana girdi. Cərimə zərbəsindən atılan top bir daha dirəyə tuş gəldi.

55-ci dəq. Yığmamız sağ cinahdan hücum qurmağa başlayır. Amma ciddi bir şey yoxdur.

50-ci dəq. Küveyt yığması topa daha çox yiyələnir. Hal-hazırda hücumlar qurmağa çalışırlar.

49-cu dəq. Küveyt yığması hücumdadır. Sağ cinahdan təhlükəli hücumlar qurulur. Yenə qapıçımızın sayıqlığı yoxlanıldı.

47-ci dəq. Rəqib iki dəfə dalbadal qapı önümüzdə təhlükəli vəziyyət yaratdılar. İkinci hücum zamanı uzaqdan vurulan zərbənin qolla nəticələnməməsinə görə dirəyə minnətdar olmalıyıq.

Matçın ikinci hissəsi başladı.

Matçın birinci hissəsi 1:1 hesabı ilə qurtardı.

1:1. Son dəqiqədə hesab bərabərləşdi

40-cı dəq. Aleksandr Çertoqanov rəqib futbolçuya qarşı kobud oynadığına görə sarı kart alır.

27-dəq. Komandamızı əks-hücumda yaxalanır. Küveytli oyunçunun zerbesi qapı dirəyindən dönür.

35-dəq. Oyunda sakitlik höküm sürür.

3-ci dəq. Vaqif Cavadov komandamızı hesabda irəli çıxarır - 0:1.

Daha çox