Jurnalist Nagelsmannın sevgilisi olduğuna görə işdən çıxarıldı

Jurnalist Nagelsmannın sevgilisi olduğuna görə işdən çıxarıldı
DÜNYA FUTBOLU 1 İyul 2022 / 12:00 2671
-  A +

Almaniyanın “Bild” qəzeti “Bavariya” klubu üzrə xüsusi müxbiri Lena Vurzenbergeri işdən azad edib.

Qol.az goal.com-a istinadən xəbər verir ki, buna onun Münhen klubunun baş məşqçisi Julian Nagelsmannla eşq yaşaması səbəb olub.

İyunun əvvəllərində Nagelsmann 15 illik həyat yoldaşı Verenadan ayrıldığını bildirib. Bundan sonra gənc mütəxəssisin “Bild” qəzetinin müxbiri ilə münasibətdə olduğu üzə çıxıb. Bu səbəbdən tanınmış nəşr müxbiri işdən azad edib. Qəzet hesab edir ki, müxbirin Julian Nagelsmannla münasibəti onun tərəfsizliyini şübhə altına alır.

Beləliklə, Lena Vurzenberger artıq “Bavariya” ilə bağlı xəbərləri işıqlandıra bilməyəcək.

Qeyd edək ki, 30 yaşlı Lena Vurzenberger “Bavariya”nı iki ildir yaxından izləyir. O, bu yaxınlarda “Liverpul”dan Münhenə transfer olunan Sadio Mane ilə özəl müsahibə edə bilib.


Son xəbərlər