"Həmin oyunu, əzmkarlığı gözləyirəm" - Millimizin baş məşqçisi

"Həmin oyunu, əzmkarlığı gözləyirəm" - Millimizin baş məşqçisi
XƏBƏR 28 Yanvar 2022 / 16:14 1018
-  A +

“Vacib oyundur. Ağır görüş olacaq. Bosniya və Herseqovinanın 2 oyununu izləmişəm. Təşkilatlanmış komandadır. Əlbəttə, bizim üçün çətin bir duel olacaq. Ancaq əlimizdən gələni edəcəyik".

Qol.az xəbər verir ki, bu sözləri futzal millimizin  baş məşqçisi Joze Alesio  Da Silva  Niderlannda təşkil olunan Avropa çempionatının D qrupunun sonuncu turunda  Bosniya və Herseqovina ilə sabahkı oyun öncəsi keçirilən mətbuat konfransında deyib. 

"Onlar hər iki oyunda yenilsələr də, yaxşı çıxış etdilər. Nəticə qazanmaq istəyiriksə, mütləq intizamlı, istəkli oynamalıyıq. Yəni, İspaniya millisi ilə matçdakı kimi mübarizə aparmalıyıq" deyə o bildirib . 
Braziliyalı mütəxəssis heyətdə müəyyən dəyişiklik ediləcəyini vurğulayıb: " Rəqibin zəif cəhəti odur ki, kompakt oynamırlar. Biz də çalışacağıq ki, bundan istifadə edək. Yenə deyirəm, ispanlara qarşı necə oynamışıqsa, futzalçılarımdan həmin oyunu, əzmkarlığı, iradəni gözləyirəm”.

Daha çox


Son xəbərlər