"Qarabağ" kimi yüksək səviyyəli komanda ilə oyun vacib idi"

"Qarabağ" kimi yüksək səviyyəli komanda ilə oyun vacib idi"
ÖLKƏ FUTBOLU 26 Yanvar 2022 / 09:26 2571
-  A +

“Yüksək səviyyəli rəqibə qarşı çox yaxşı oyun oldu. Səviyyə, sürət və intensivliyə görə belə komanda ilə matç son dərəcə vacib idi".

Qol.az xəbər verir ki, bu sözləri "Visla"nın (Krakov) baş məşqçisi Adrian Qulya Antalya toplanışında "Qarabağ"la keçirdikləri yoxlama matçından sonra deyib.

O, Polşa klubunun rəsmi saytına açıqlamasında 3 hissədən ibarət və qolsuz başa çatan matçı dəyərləndirərkən Ağdam təmsilçisi ilə qarşılaşmanın üstünlüklərini qeyd edib:

"Məlumdur ki, topsuz daha çox işləməli olduq, amma komanda bunu bacardı. Xüsusən müdafiədə və və meydanın mərkəzində boşluqları bağladıq. Rəqib cinahlardan hücumlar qura bilirdi. Oyunun müəyyən fraqmentlərindən və ya əks-hücumdan yararlana bilmədik. Təəssüf ki, penaltini də qola çevirə bilmədik. Amma bu oyun komandanın düzgün istiqamətdə getdiyini göstərdi. Rəqibin baş məşqçisi ilə birlikdə 90 dəqiqədən daha çox oynamaq qərarına gəldik. Bu, yaxşı qərar idi. Çünki oyunçularda matçın intensivliyini təmin etdik. Əlavə olaraq, komandada rəqabət gördük".

Daha çox


Son xəbərlər