"Keşlə" haqqında məlumatımız azdır"

"Keşlə" haqqında məlumatımız azdır"
ÖLKƏ FUTBOLU 21 İyul 2021 / 17:58 998
-  A +

"Keşlə"nin Konfrans Liqasının 2-ci təsnifat mərhələsindəki rəqibi "Soçi"nin baş məşqçisi Vladimir Fedetov sabah Azərbaycan təmsilçisi ilə keçirəcəkləri ilk matç haqqında danışıb.

Qol.az Rusiya mətbuatına istinadən xəbər verir ki, mütəxəssis görüşdən öncə təşkil olunan mətbuat konfransında oyuna yaxşı hazırlaşdıqlarını bildirib:

"Komandamızda çox yüksək əhval-ruhiyyə var. Azarkeşlərimizi avrokubokların başlaması münasibətilə təbrik edirəm. Hazırlıq mərhələsi bitdi. Yaxşı məşq etdik. Sabah bütün gücümüzü azarkeşlərin önündə meydana qoyacağıq. Bu, gənc klubumuz üçün debütdür. Təcrübəli futbolçularımız çoxdur. Kifayət qədər hazırlıq keçməyimiz bizə özümüzü inamlı hiss etmək imkanı verir. Maç öncəsi həyəcan normaldır. Doğru yoldayıq, özümüzü inamlı hiss edirik".

Fedetov "Keşlə" barədə kifayət qədər məlumata sahib olmadıqlarını deyib:

"Bütün rəqiblərimizə hörmət edirik. "Keşlə"ni analiz etməyə çalışdıq. Amma bu komanda haqqında məlumatımız azdır. Onların bir neçə futbolçusu klubdan ayrıldı. Həm də bir sıra oyunçular gəlib. Yeni tərkiblə 3 matç keçirdilər. Ancaq analiz üçün bir video tapa bilmədik. Bu səbəbdən çox məlumat toplaya bilmədik. Onlar bütün matçlarını Azərbaycandan olan klublarla oynayıblar. Sənan Qurbanovun rəhbərliyi altında əvvəlki oyunlarını izlədik. Futbolçular ilə bağlı məlumatlara da ayrı-ayrılıqda baxdıq. Kimin favorit olduğunu demək çətindir. Amma evdə oynayacağımız üçün üstünlük bizim tərəfimizdə olacaq. Kimin favorit, kimin ikinci olduğunu yaşıl meydan göstərəcək".

Qeyd edək ki, sabah Rusiyada keçiriləcək "Soçi" - "Keşlə" matçı Bakı vaxtı ilə saat 20:00-da başlayacaq. Cavab oyunu isə iyulun 29-u Bakıda olacaq.

 

Daha çox


Son xəbərlər
30.07.21  21:32

U-17 millimiz uduzdu