19:01
Çernoqoriya yığmasının və İtaliyanın “Roma” klubunun hücumçusu Mirko Vuçiniç sabah AÇ-2012-nin seçmə mərhələsi çərçivəsində İngiltərə ilə oyunda qol vuracağı halda, yenə idman şortikini çıxaracağını bəyan edib. Qol.Az-ın məlumatına görə, Vuçiniç ilk dəfə oktyabrın 8-də doğma divarlar arasında keçirilən İsveçrəylə ev oyununun son dəqiqələrində qələbə qoluna imza atdıqdan sonra belə hərəkətiylə bütün dünyanın diqqətini cəlb etmişdi. Xatırladaq ki, o, həmin qoldan sonra qol sevincini qeyd etmək üçün şortikini çıxararaq, onu hətta başına keçirmişdi.
İtaliya A Seriyasında top qovan təcrübəli hücumçu həmin olayı şərh edərkən bildirib ki, o, bu hərəkəti ilə heç kimə qarşı hörmətsizlik etmək istəməyib: “Hər bir futbolçu qol sevincini qeyd etmək üçün müxtəlif fərqli üsullara əl atır. Mən də belə etməkdən xoşlanıram. Ancaq bu, heç kimə qarşı hörmətsizlik anlamına gəlməməlidir. İngiltərə ilə qarşıdakı oyunda da qələbə qolunu vursam, yenə sevincimi eyni şəkildə qeyd etməyə çalışacağam”.
Qeyd edək ki, kifayət qədər prinsipial xarakter daşıyan İngiltərə - Çernoqoriya qarşılaşması sabah Londondakı “Uembli” stadionunda keçiriləcək. Keçirdiyi 3 görüşdən maksimum nəticəylə ayrılan çernoqoriyalılar 9, İngiltərə isə 2 oyundan 6 xal toplayıb. Vuçiniçin ötən mövsüm A Seriyasında “Roma”nın “Kalyari” üzərində qələbə qazandığı oyunda da eyni hərəkət etdiyini də vurğulayaq.
Daha 5 il "Bayer"də
"Arsenal"dan darmadağın
“Beşiktaş”dan heç-heçə
"Zirə"nin qələbəsindən - Video
"Bu sual barədə düşünməmişəm" - Rəşad Sadıqov
Tovuzda vurulan qollar - Video
“Zirə” 2024-cü ili qələbə ilə başa vurdu
Tovuzda heç-heçə
"Səbail" - "Zirə" - Heyətlər
Dünya çempionu olmuş futbolçu vəfat etdi
Ançelottidən Vinisiusa jest
"Turan Tovuz" - "Neftçi": Heyətlər
"Real" 18 yaşlı futbolçu ilə razılaşdı
Sane qərarını verdi
Futbol hakimi müharibədə həlak oldu
"Futbolçularım əsl kişidirlər"
