Çempionlar Liqasında ikinci sürət: “Bursaspor” yenə uduzacaq?

DÜNYA FUTBOLU 28 Sentyabr 2010 / 00:33 2581

- A +

Bu gün UEFA Çempionlar Liqasının 2-ci turunun oyunlarına start veriləcək. Qol.Az-ın məlumatına görə, ilk oyun günündə 4 qrupda – E, F, G və H - yer alan kollektivlər münasibətlərinə aydınlıq gətirəcək.
E qrupunda cari mövsümə səfərdə “Bavariya”ya məğlubiyyətlə başlayan “Roma” doğma meydanda ÇFR-i qəbul edəcək. Rumıniya təmsilçisinin doğma meydanda məğlub etdiyi “Bazel” isə ÇL-in son finalçısı “Bavariya” ilə ev oyununda ilk qələbəsini qazanmağa çalışacaq. F qrupunda “Çelsi”nin Marsel “Olimpik”i ilə dueli daha çox maraq doğurur. “Ölüm qrupu”nda (G) isə “Ayaks” “Milan”ı, “Oser” isə “Real”ı qəbul edəcək. Nəhayət H qrupunda ilk turun məğlubları - “Braqa” və “Partizan” müvafiq olaraq “Şaxtyor” və “Arsenal”ı qəbul edəcək.
İkinci turun digər oyunları isə sabah keçiriləcək. A qrupunda yeni mövsümə xal itkisiylə başlayan ÇL-in son qalibi “İnter” ilk qələbəsini “Verder”lə ev oyununda qazanmağa çalışacaq. “Tottenhem” isə millimizin hücumçusu Vaqif Cavadovun müqavilə ilə məxsus olduğu “Tvente”ylə münasibətlərinə aydınlıq gətirəcək. C qrupunda isə bizlər üçün daha böyük maraq doğuran bir qarşılaşma keçiriləcək. Türkiyənin qitənin ən güclü klub turnirindəki yeganə təmsilçisi olan son ölkə çempionu “Bursaspor” səfərdə “Reyncers”in qonağı olacaq. Qardaş ölkə təmsilçisi üzərində darmadağınla yeni mövsümə start verən “Valensiya” isə “Mançester Yunayted”i qonaq edəcək.
D qrupunda digər qonşu ölkə təmsilçisi – Rusiya “Rubin”inin “Barselona” ilə ev oyununda nəyə nail olacağı da maraqla gözlənilir.

Çempionlar Liqası, qrup mərhələsi
2-ci tur
28 sentyabr

E qrupu

23:45. “Roma” (İtaliya) - ÇFR (Rumıniya)
23:45. “Bazel” (İsveçrə) – “Bavariya” (Almaniya)

F qrupu

21:30. “Spartak” (Moskva, Rusiya) – “Jilina” (Slovakiya)
23:45. “Çelsi” (İngiltərə) – “Olimpik” (Marsel, Fransa)

G qrupu

23:45. “Ayaks” (Hollandiya) – “Milan” (İtaliya)
23:45. “Oser” (Fransa) – “Real” (İspaniya)

H qrupu

23:45. “Braqa” (Portuqaliya) – “Şaxtyor” (Ukrayna)
23:45. “Partizan” (Serbiya) – “Arsenal” (İngiltərə)

29 sentyabr

A qrupu

23:45. “İnter” (İtaliya) – “Verder” (Almaniya)
23:45. “Tottenhem” (İngiltərə) – “Tvente” (Hollandiya)

B qrupu

23:45. “Hapoel” (Təl-Əviv, İsrail) – “Olimpik” (Lion, Fransa)
23:45. “Şalke” (Almaniya) – “Benfika” (Portuqaliya)

C qrupu

23:45. “Reyncers” (Şotlandiya) – “Bursaspor” (Türkiyə)
23:45. “Valensiya” (İspaniya) – “Mançester Yunayted” (İngiltərə)

D qrupu

21:30. “Rubin” (Rusiya) – “Barselona” (İspaniya)
23:45. “Panatinaikos” (Yunanıstan) – “Kopenhagen” (Danimarka)

Daha çox