22:43
“Yuventus” Çempionlar Liqasının 1/8 finalında növbətim dəfə mübarizəni dayandırmaqla klub tarixində antirekorda imza atıb.
Qol.az-ın xəbərinə görə, Turin təmsilçisi “Portu”nu üstələyə bilməyib (ilk oyun 1:2, cavab görüşü 3:2). Portuqaliyalılar səfərdə vurduqları 2 qol sayəsində 1/4 finala yüksəliblər. “OptaPaolo” statistika səhifəsinin yazdığına görə, “Yuventus” tarixində ilk dəfədir ki, Çempionlar Liqasında dalbadal iki mövsüm 1/8 finalda mübarizəni dayandırır. Ötən il komanda bu mərhələdə “Lion”a (Fransa) uduzmuşdu.
Pirlo istefa verəcəkmi?
Dünənki matçdan sonra keçirilən mətbuat konfransında “Yuventus”un baş məşqçisi Andrea Pirlo deyib: “Bu oyundur və belə şeylər olur. Mənim üçün ÇL-də ilk uğursuzluq olduğundan ikiqat məyusam. Amma bir halda ki, belə duruma düşmüşük, biz məşqlərdə bu mövsüm indiyədək çalışmadığımız aspektlər üzrərində işləməliyik. Çalışacağıq ki, hazırlığımızı yaxşılaşdıraq”.
Mümkün istefası ilə bağlı suala cavabında italiyalı mütəxəssis bildirib: “Mənə bir neçə illik layihə verildiyi üçün buradayam. Ona görə də vəzifəmi itirəcəyimə dair bir narahatlığım yoxdur. Hələlik mart ayıdır və qarşıda çox matçımız var”.
“Yuventus” ÇL-i qazana bilməyəcəkdisə, Ronaldonu niyə alırdı?
Qeyd edək ki, bu uğursuzluqdan sonra “Yuventus”un hücumçusu Kriştiano Ronaldo da diqqət mərkəzinə düşüb. Əvvəla o, “Portu”nun cərimə zərbəsi vurduğu zaman canlı cəddə səhvə yol verib və nəticədə rəqib qol vurub.
İtaliya mediası diqqəti ona yönəldib ki, “Yuventus” 2018-ci ildə Ronaldonu ÇL-i qazanmaq məqsədilə “Real”dan 112 milyon avroya transfer edib. Amma təəccüblüdür ki, onun gəlişindən sonra komanda 2018/2019 mövsümündə 1/4 finalda “Ayaks”a, ötən mövsüm 1/8 finalda “Lion”a, bu dəfə isə yenə də 1/8 finalda “Portu”ya sensasiyalı şəkildə uduzub. Ronaldo özü isə 2006-cı ildən üzə bəri ilk dəfədir ÇL-də dalbadla iki mövsüm 1/4 finala çıxa bilmir. Ona görə də yerli futbol mütəxəssisləri belə sual verir ki, əgər superulduz Ronaldo “Yuventus”a vacib mühüm turnirdə kömək edə bilməyəcəkdisə, ona böyük məbləğdə pul niyə xərclənirdi?
Təəccüblüdür ki, 36 yaşlı hücumçu “Portu” ilə 4 matçın heç birində rəqib qapısına yol tapmayıb. Son 16 ildə portuqaliyalı ilk dəfədir “pley-off”da qol vura bilməyib.
Olmadı, Əliyar!
Meydana “Meydan” gəlir…
Yamal komandasının qoluna sevinmədi - Şəkillər
Çempionlar Liqası qalibi klubunu dəyişir
Baş məşqçi klubun 34 illik antirekordunu yenilədi
"Ayntraxt" 4 qollu matçda qələbəni əldən verdi
"Neftçi" "Sumqayıt"ı belə məğlub etdi - Video
"Futbolçu necə oynamaq istəməyə bilər?" - Saşa İliç
"Həmin matçları səbirsizliklə gözləyirəm" - Yuri Vernidub
PSV ardıcıl üçüncü dəfə Niderland çempionu oldu
"Qəbələ" "Kəpəz"ə, "Neftçi" "Sumqayıt"a qalib gəldi
Kökçünün komandası heç-heçəyə razılaşdı
"Uduzacağımızı gözləyirdim" - Azər Bağırov
