"Gözlənilməz nəticə oldu. Oyuna qələbə əzmi ilə çıxmışdıq. 1:5 hesablı məğlubiyyətdən sonra söz tapmaq çətindir. Məncə, ikinci hissədə diqqətimiz dağıldı və qollar üst-üstə gəldi. Hardasa, 10 dəqiqəyə qapımızda 3 top gördük. Diqqəti dağılandan sonra futbolda çox şey baş verir. Bu günkü oyun da buna sübutdur”.
Qol.az-ın məlumatına görə, bu sözləri “Keşlə”nin futbolçusu Vaqif Cavadov Topaz Premyer Liqanın 13-cü turunda səfərdə “Qarabağ”a 1:5 hesabı ilə məğlub olduqları oyundan sonra jurnalistlərə açıqlamasında deyib.
O, komandadakı bəzi futbolçuların vəziyyəti dərk etmədiyini söyləyib:“Komandada kim varsa, hamısı bunu dərk eləməlidir ki, “Keşlə” heç vaxt bu yerdə - turnir cədvəlinin son pilləsində olmayıb. Bunu yerli futbolçular bilir, legionerlərə də başa salırıq. “İnter”in vaxtında da heç vaxt olmayıb. Həm də futbolçularımızın ayrı-ayrılıqda hamısının adı-sanı var. Yaşları da çox deyil. Cavanı da var, təcrübəlisi də var. Onlar sadəcə dərk eləməlidirlər. Bəziləri bunları dərk eləmir. Bilmirəm niyə belədir. Nəticə də göz qarşısındadır”
29 yaşlı hücumçu baş məşqçi Tərlan Əhmədova vaxt lazım olduğunu deyib: "Tərlan Əhmədova da vaxt lazımdır. O, gələndən bir oyun udmuşuq, birin uduzmuşuq, heç-heçə etmişik və s. Yəni, hər iki aydan bir məşqçi dəyişsək, day nə olacaq. Bu, düzgün deyil”.
Millimizin sabiq üzvü son olaraq, AÇ-2020-nin seçmə mərhələsinin püşkünü dəyərləndirib: "Bizim oynadığımız vaxt uğursuz oldu. Hər bir oyun futbolçulardan asılıdır. Gələn il çempionatımız necə olacaq, hansı futbolçular millidə oynayacaq və s. bunlar önəmlidir. Mən inanıram ki, Bakıda hər bir komandaya qarşı oynamaq olar. Çətindir, demirəm ki, uda bilərik. Amma oynaya bilərik. Futbolda elə olur ki, zəif rəqiblər də güclülərdən xal ala bilir. Xorvatiya ilə oyunda onlar bizə necə yanaşacaqlar, əsas olan bu amildir. Türkiyə millisi də bura qələbə deyib, gəlmişdi, amma 0:1 bizə uduzub, qrupda qaldılar. Amma qrupdakı komandaların hər birinin adı çox güclüdür və çox çətin olacaq. Bunu etiraf etməliyik”.
"Milan"da qalır
Centlmensayağı razılaşma
2-ci liqada oyunları vaxtı bilindi
"Araz-Naxçıvan" - "Səbail" oyunundakı 5 qol - Video
Şahin Diniyev: "Bir nöqtədən o qədər qol buraxmaq olmaz”
"Naxçıvanda oynayıb, azarkeşləri sevindirəcəyik”
Mbappenin məhkəməsinin vaxtı bilindi
"Araz-Naxçıvan" "Səbail"ə qalib gəldi
Kompani əsas motivasiya mənbəyindən danışdı
1-ci Liqada 4-cü turun oyun cədvəli açıqlandı
“Liverpul” rədd cavabı aldı
"Araz-Naxçıvan" - "Səbail" - Heyətlər
Qvardiola pis xəbəri verdi
"Sumqayıt"dan növbəti transfer
Xəstəliyi səbəbindən rəhbərlikdən istefa verir
Serhat Akının vurulma anı - Video