18:30
Topaz Premyer Liqanın ötən şənbə günü keçirilən “Sabah” - “Neftçi” oyunu meydan sahibi komandanın gənc hücumçusu Emil Qasımov üçün əlamətdar olub.
Qol.az-ın xəbərinə görə, start heyətində meydana çıxan futbolçu 18 yaşında Topaz Premyer Liqasında debüt edib.
Baş məşqçi Elşad Əhmədov bundan öncəki turda “Qarabağ”la görüşdə də hələ 18 yaşı tamam olmayan başqa bir gənc futbolçuya debüt etmək şansı vermişdi. O, sözügedən qarşılaşmanın 80-ci dəqiqəsində Şakir Seyidovu meydana buraxmışdı.
Xatırladaq ki, həm Emil, həm də Şakir U-19 millimizin üzvüdür. Onlar bu yaxınlarda Gürcüstanın paytaxtı Tbilisidə keçirilən Avropa çempionatının seçmə mərhələsində çıxış edən və elit-raunda vəsiqə qazanan yığmamızın uğurunda pay sahibi olublar.
Qeyd edək ki, Elşad Əhmədovun gənc futbolçulara şans verməsi müsbət və nümunəvi addım kimi dəyərləndirilməlidir. Baş məşqçinin riskə gedərək gəncləri oynatması bir tərəfdən onun qorxaq məşqçi olmadığını, digər tərəfdən də qətiyyətli addımlar atmaq bacarığına malik bir mütəxəssis olduğunu göstərir. Eyni zamanda bu qərar Elşad Əhmədovun debütant "Sabah"ın timsalında gələcək üçün yerli və gənc futbolçulardan ibarət yaxşı bir kollektiv formalaşdırmaq əzminin olduğunun sübutudur. Belə qərarlar həm də hətta 18 yaşlı oyunçuda gününü ehtiyatda keçirmək deyil, artıq əsas heyətə düşmək inamı yaradır. Bununla da onlar öz üzərlərində daha yaxşı çalışmaqla inkişaf etmək həvəsini daha da artıracaqlar.
Bu mənada, Elşad Əhmədovun bu cəsarətli addımı təqdir olunmalı, eyni zamanda da "Sabah"ın rəhbərliyinin belə məsələdə də ona dəstək verməsi müsbət məqam kimi qeyd edilməlidir. Çünki bizim klublar və məşqçilər bir çox halda belə riskli addımlar atmırlar, daha çox yaşlı və əcnəbi futbolçulara güvənirlər. Bu təcrübə isə çox vaxt yerli gənc oyunçuların inkişafına mane olur.
_22.01.19.jpg)
"Milan"da qalır
Centlmensayağı razılaşma
2-ci liqada oyunları vaxtı bilindi
"Araz-Naxçıvan" - "Səbail" oyunundakı 5 qol - Video
Şahin Diniyev: "Bir nöqtədən o qədər qol buraxmaq olmaz”
"Naxçıvanda oynayıb, azarkeşləri sevindirəcəyik”
Mbappenin məhkəməsinin vaxtı bilindi
"Araz-Naxçıvan" "Səbail"ə qalib gəldi
Kompani əsas motivasiya mənbəyindən danışdı
1-ci Liqada 4-cü turun oyun cədvəli açıqlandı
“Liverpul” rədd cavabı aldı
"Araz-Naxçıvan" - "Səbail" - Heyətlər
Qvardiola pis xəbəri verdi
"Sumqayıt"dan növbəti transfer
Xəstəliyi səbəbindən rəhbərlikdən istefa verir
Serhat Akının vurulma anı - Video
