"Kokorin və Mamayev futbola xəyanət etdi" – Yuri Syomin

"Kokorin və Mamayev futbola xəyanət etdi" – Yuri Syomin
XƏBƏR 10 Oktyabr 2018 / 01:09 3304
-  A +

“Qəbələ”nin sabiq baş məşqçisi, hazırda isə Moskva “Lokomotiv”ini çalışdıran Yuri Syomin “Zenit”in hücumçusu Aleksandr Kokorinlə “Krasnodar”ın yarımmüdafiəçisi Pavel Mamayevin səbəb olduğu qalmaqala münasibət bildirib.

Qol.az-ın Rusiya mətbuatına istinadən yaydığı xəbərə görə, baş vermiş hadisə ilə bağlı fikirlərini şəxsi “İnstaqram” hesabında bölüşən təcrübəli mütəxəssis hər iki futbolçunu sərt tənqid edərək, onların peşələrinə xəyanət etdiyini yazıb:

“Rusiya futbolu Akinfeyev, Çerçesov, Berezutskidir, Kokorin və ya Mamayev deyil. Futbol öz sənətinə hörmət, milli komanda, bütün ölkəyə nümunə olmaq, gündəlik iş, rejimə riayət etmək, azarkeşlər, valideynlər, öz ailən və uşaqların önündə məsuliyyət deməkdir. Onlar futbola – öz peşələrinə xəyanət etdilər”.

Qeyd edək ki, Kokorin və Mamayev dünən sərxoş halda Moskvadakı kafelərdən birində Rusiya Sənaye Ticarəti Nazirliyinin departament rəhbəri Denis Pak və Dövlət Federal Unitar Müəssisəsinin direktoru Sergey Qaysini, eləcə də daha əvvəl Rusiya “Birinci kanalı”ının aparıcısı Olqa Uşakovanın sürücüsünü döyməkdə şübhəli bilinir. Artıq baş verən hadisə ilə bağlı döyülmə maddəsi ilə cinayət işi açılıb.

Daha çox


Son xəbərlər
topaz banner