“Gecə-gündüz bu işlə məşğuluq, başımız ağrıyır” – Yunis Hüseynov

“Gecə-gündüz bu işlə məşğuluq, başımız ağrıyır” – Yunis Hüseynov
ÖLKƏ FUTBOLU 28 Dekabr 2017 / 12:00 3659
-  A +

“Transfer çalışmalarımız davam edir. Gecə-gündüz bu işlə məşğuluq, başımız ağrıyır. Bir neçə variant var. Onların üzərində işləyirik”.

Bu sözləri Qol.az-a açıqlamasında “Kəpəz”in baş məşqçisi Yunis Hüseynov deyib. Qış fasiləsində Samba Diallo, Mansur Aladji, Viktor Oseqeyl kimi futbolçuları komandasında istəməyən mütəxəssis indi onların boşluğunu doldurmağa çalışır:

“Hazırda 4-5 legionerlə danışıqlar gedir. Onlardan biri qapıçıdır. Biz ona öz təklifimizi göndərmişik. İndi isə qərarını gözləyirik. Transferin gecikməsinin səbəbi maliyyə deyil. Sadəcə, həmin qapıçının başqa variantları da olduğundan, götür-qoy edir. Ondan başqa, braziliyalı futbolçu ilə danışıq aparırıq. Çox güman ki, sabah adını açıqlayacağıq”.

Y. Hüseynov bundan sonra da komandadan gedən futbolçuların olacağını istisna etməyib: “Artıq özüm üçün müəyyənləşdirmişəm. Yenə gedənlər olacaq. Amma hələ ad çəkmək istəmirəm. Yaxın günlərdə hamısı mətbuata açıqlanacaq”.

Daha çox


Son xəbərlər
topaz banner