APOEL Tomas Dollu istefaya göndərdi

APOEL Tomas Dollu istefaya göndərdi
XƏBƏR 10 Dekabr 2019 / 09:47 5017
-  A +

Avropa Liqasında "Qarabağ"la eyni qrupda yer alan APOEL-də gözlənilməz ayrılıq baş verib.

Qol.az-ın klubun saytına istinadən yaydığı xəbərə görə, Nikosiya təmsilçisi baş məşqçisi Tomas Dollu istefaya göndərib. Onun müqavilə qarşılıqlı razılaşma əsasında ləğv edilib.Baş məşqçi səlahiyyətləri müvəqqəti olaraq Lukas Hatziloukasaya həvalə olunub.

Kipr mətbuatı komandanın ölkə çempionatının sonuncu turunda "Olimpiakos"a 0:2 hesablı uduzmasından sonra bu qərarın verildiyini yazıb.

Qeyd edək ki, APOEL Tomas Dollun rəhbərliyi altında Avropa Liqasında sona bir tur qalmış 1/16 final mərhələsinə vəsiqəni rəsmiləşdirib. Komanda Avroliqada "Qarabağ"la Bakıdakı oyunda heç-heçə (2:2) edib, evdə qalib (2:1) gəlib. APOEL Kipr çempionatında isə 18 xalla 4-cüdür.

Xatırladaq ki, T.Doll bu ilin avqustundan Nikosiya təmsilçisini çalışdırırdı.

 

Daha çox


Son xəbərlər
27.01.20  02:00

"Real" vahid lider oldu

26.01.20  18:07

"Traktor" uduzdu