"Qarabağ" "Atletiko"nu Çempionlar Liqasından kənarlaşdırdı" - Lopeteqi

"Qarabağ" "Atletiko"nu Çempionlar Liqasından kənarlaşdırdı" -  Lopeteqi
ÖLKƏ FUTBOLU 17 Sentyabr 2019 / 18:00 7055
-  A +

"Asan qrupa düşdüyümüzü düşünmürəm. Rəqiblərimiz çox şeyi çətinləşdirmək niyyətində olan komandalardır".

Qol.az xəbər verir ki, bu sözləri "Sevilya"nın baş məşqçisi Xulen Lopeteqi İspaniya mətbuatına açıqlamasında deyib.

Avropa Liqasının qrup mərhələsinin ilk turunda "Qarabağ"la keçiriləcək oyun üçün Bakıya yola düşən komandanın çalışdırıcısı səfər öncəsi qarşıdakı görüşlə bağlı danışıb. O, "Qarabağ"ın digər İspaniya təmsilçisi "Atletiko"nu Çempionlar Liqasında büdrətdiyini xatırladıb:

"Qarabağ" bir müddət əvvəl "Atletiko"nu Çempionlar Liqasından uzaqlaşdırdı. APOEL isə ötən mövsümün yarımfinalçısına çətin anlar yaşatdı. Meydanda mübarizə apararaq, layiqli qələbə qazanmalıyıq. Əsas odu ki, biz bunu istəyirik".

Lopeteqi qarşıda onları sıx oyun qrafiki gözlədiyini və buna görə də heyətdəki futbolçuların hamısından istifadə edəcəyini biildirib: "Məqsəd oyunçulara güclü rəqabət yaratmaqdır. Hədəflərə çatmaq üçün hər kəsə ehtiyacımız olacaq. Çünki dekabra qədər hər cümə axşamları və həftəsonları oyun keçirəcəyik. Bütün heyətin xidmətinə ehtiyacımız olacaq".

Qeyd edək ki, sentyabrın 19-da Tofiq Bəhramov adına Respublika Stadionunda keçiriləcək "Qarabağ" - "Sevilya" oyunu saat 20:55-də başlayacaq.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı