10:20
Topaz Premyer Liqasının 5-ci turunda “Keşlə” ilə səfər matçında (1:2) “Sumqayıt”ın qələbə qolunu vuran Əfran İsmayılov jurnalistlərin suallarını cavablandırıb. Qol.az-ın "Report"a istinadən yaydığı xəbərə görə, 30 yaşlı yarımmüdafiəçi əvvəlcə oyunla bağlı fikirlərini bölüşüb:
- İlk yarıda da yaxşı oynayırdıq. Bir neçə qol şansımız yaransa da, istifadə edə bilmədik. Rəqib isə bir səhvdən sonra hesabı açdı. Fasilədə dedik ki, qol buraxmışıqsa, mütləq əvəzini çıxmalı, biz də qol vurmalıyıq. Çünki qələbə çox vacib idi. Bundan əvvəlki görüşlərdə öz futbolumuza görə uduzmamışdıq. Çox nüanslar vardı. Bu gün qələbə qazandıq. Bizi daha ağır oyunlar gözləyir. Bu günü unutmaq lazımdır.
- Fasilədə sizi qələbəyə inandıran nə oldu?
- Baş məşqçi Nazim Süleymanov dedi ki, yaxşı oynayırsınız. Bu, bizi ruhlandırdı. Həm də oynadığımız futbol göz qabağında idi. Bəlkə 5 qol epizodu yaratdıq, amma qol vura bilmədik. Hakimlər haqda danışmaq istəmirəm. Amma penalti epizoduna baxmaq lazımdır. Məncə, o epozidda penalti vardı, vermədi. Futboldur, belə şeylər olur. Əsas odur ki, hakimi, hər şeyi kənara qoyub, vəziyyəti dəyişməyin vacibliyini düşündük.
- Tərlan Quliyev ilə olan epizodda topun arxasınca getmədiniz. Fikirləşdiniz ki, sizi tutduğu üçün referi rəqib müdafiəçiyə qırmızı vərəqə verəcək?
- Qırmızı vərəqəni demirəm, amma həqiqətən tutmuşdu. Təkbətək gedirdim, Tərlan tutub saxladı. Məndə dayandım və düşündüm ki, baş hakim cərimə zərbəsi təyin edəcək. Amma etmədi.
- Bu gün qol vurmağı çox istəyirdiniz. Hətta epizodların birində komanda yoldaşınız Atilla Yıldırımla dialoqunuz oldu...
- Belə şeylər olur. Atilla ona niyə ötürmə etmədiyimi dedi. Onun özünün də imkanları oldu, amma ötürmə etmədi. Əsas odur ki, qələbə qazandıq.
- Sabitliyi qoruya biləcəksiniz?
- Bunun üzərində işləyirik. Məşq və istirahətimizə yaxşı fikir verməliyik, boşalmaq olmaz. Qabaqda böyük marafon var.
- Son dövrlər “Qarabağ”da sabit oynamırdınız. Yaxşı oyun üçün darıxmışdınız?
- Əlbəttə, əvvəlki formamı bərpa etməyə çalışıram. “Sumqayıt”a gəlməkdə məqsədim budur. Rəhbərlik, məşqçi heyəti və futbolçular çox sağ olsunlar, mənə böyük dəstək oldular. Arzuladığım hüzuru “Sumqayıt”da tapmışam.
- Milliyə dönüşünüz barədə nə deyə bilərsiniz? Belə bir fikir var ki, “Qarabağ”dan çıxdığınız üçün Qurban Qurbanov sizi çağırmaz...
- Hazırda milli yox, “Sumqayıt” haqda fikirləşirəm. Milli mənim üçün bu saat o qədər də maraqlı deyil. Çağırarlar – çağırarlar, çağırmayacaqlar – çağırmayacaqlar.
- İkinci hissədə daha çox müdafiənin arxasına ara ötürmələrindən istifadə edirdiniz. Bu, taktiki gediş idi?
- Rəqib 5 müdafiəçi ilə oynayırdı. Bu cür sıx müdafiəni yarmaq çətin olduğu üçün belə ötürmələr verirdik. Şükür ki, alındı.
“Roma” onu icarəyə verdi
"Neftçi"nin "Zirə" ilə heç-heçəsindən - Video
"Arsenal"dan "Marsel"ə
"Vəziyyət pisə doğru gedir" - Rəşad Sadıqov
Azərbaycan Üzgüçülük Federasiyasında yeni vitse-prezident
"Sumqayıt" Ukrayna klubunun futbolçusunu transfer etdi
Kloppdan "Real"a şərt
Qvardiola etiraf etdi
Səudiyyə Ərəbistanı klubları 50 ulduz futbolçunu hədəf aldı
Rövşən Nəcəf FİFA prezidenti ilə görüşdü - Şəkillər
Azərbaycan çempionatında ikinci günün döyüşləri başa çatdı
İlin ilk oyununda vurulan qollar - Video
"Nəticəyə görə ruhdan düşmüşük" - Jorj Kaşkilya
"Neftçi" - "Zirə": Heyətlər
Avropa Liqasında rekordları fəth edir
15 illik "Arsenal" macərası başa çatır
"DH Volley"dən Yüksək Liqada növbəti qələbə
AFFA-dan uşaq futbolu ilə bağlı yenilik
"Karvan-Yevlax" baş məşqçi təyinatını açıqladı
Yuri Vernidub hansı futbolçuları TOP-5 liqada görür?
Güləş Federasiyasının rəhbərliyi Qarabağa səfər edib
"İmişli" - "Araz-Naxçıvan": Heyətlər açıqlandı
Çempionlar Liqasında "Qarabağ"ı da gözləyən xaotik gün
Əliyar Ağayev Avroliqa oyununu idarə etdi
Luçeskunun səhhətində ciddi problemlər var
"Fənərbaxça"dan Fransa klubuna - Rəsmi
Məşhur rus futbol adamının “Qarabağ” etirafı
"Fənərbaxça"nın "Aston Villa"ya məğlubiyyəti - Video
"Tottenhem" "Santos"dan futbolçu aldı
Avropa Liqasında pley-off şansını itirən 6 komanda
Avroliqada 1/8 finala və pley-offa vəsiqəni təmin edənlər
