11:50
Türkiyə milli komandasının və İstanbulun «Qalatasaray» klubunun yarımmüdafiçisi Arda Turanın Qol.Az saytına eksklüziv müsahibəsi
- Arda, salam! Səni Azərbaycandan Qol.Az saytından narahat edirik...
- Lap yaxşı. Çox şad oldum. Azərbaycandan aradığınıza sevindim və yaxşı mənada təəccübləndim.
- Bir müddət öncə səhhətində problem var idi, indi necəsən?
- Hazırda hər şey qaydasındadı. Şükür Allaha, heç bir problemim yoxdu. Məşqlərimiz bir az gərgin keçdiyinə görə səhhətimdə problemlər yarandı. Sizə təşəkkür edirəm ki, mənimlə maraqlanırsınız.
- «Qalatasaray»da gənclər komandasında sənin məşqçilərin olmuş Halim Fıçıcı ilə Ali Yavaşın Azərbaycanın "Qəbələ" klubunda çalışdığından xəbərin varmı?
- Əlbəttə. Hər iki məşqçinin orada olmasının Azərbaycan futbolu üçün inanılmaz dərəcədə xeyiri dəyəcək. Onlar türk futboluna böyük futbolçular bəxş edən insanlardı. Böyük hədəfləri var. İnanıram ki, bu hədəflərinə Azərbaycanda çatacaqlar. Onlar sistemlə işləyən məşqçilərdi. Öz sistemlərini orda tətbiq etsələr, bu, Azərbaycan üçün çox böyük bir şans olar. İnanıram ki, nə vaxtsa Azərbaycan futbolu da Türkiyə futbolunun səviyyəsinə çatacaq və biz futbolda da bərabər addımlayacağıq.
- Azərbaycana gəlməyi düşünürsənmi?
- Bu vaxta qədər sizin ölkənizdə heç olmadım. Azərbaycanın türkdilli dövlət olduğunu bilirəm. Ona görə də ora gəlməyi düşünürəm. İnşallah, tətildə Halim hocanın yanına gəlməyi planlaşdırıram.
- Azərbaycanda dostların var?
- Bəli, tələbə dostlarım var. Onlarla tez-tez əlaqə saxlayıram.
- Bəs futbolçulardan?
- Azərbaycanda çıxış edən türk futbolçularla da əlaqəm var: Suat Usta və Ali Cansunla. Onlar çox yaxşı futbolçulardı. Bildiyimə görə, orada uğurlu çıxış edirlər.
- Ümumiyyətlə, Azərbaycan futbolu ilə maraqlanırsanmı?
- Tanıdığım yeganə klub "Qəbələ"di. Çünki Halim hoca ilə Ali Yavaş hoca orada işləyirlər. Bir də sizin milli komandanın son yoldaşlıq görüşünü izləmişəm. Bərabərə qaldınız albanlarla.
- Komanda yoldaşın Sərvət Çətini Azərbaycanlı olduğunu bilirdinmi?
- Əlbəttə bilirik. İğdırlıdı, kökü azərbaycanlıdı.
- Son zamanlar "Qalatasaray"dan ayrılacağınla bağlı xəbərlər dolaşır...
- Mənim "Qalatasaray"la 2012-ci ilə qədər müqaviləm var. Bu səbəbdən qərarı rəhbərlik verəcək. Mən burada qalıb oynamağa hazıram.
- Ötən mövsüm bir çox çətinliklərə baxmayaraq, çempion oldunuz. Bu mövsüm necə, eyni uğura imza atacağınıza inanırsanmı?
- Düzdü, ötən mövsüm çox çətin anlar yaşadıq. Bəzi aparıcı futbolçularımız zədələndi, bəziləri cəzalanaraq çətin oyunları buraxmalı oldu. Amma hamıya məlumdur ki, bizim komandada heç kimdə olmayan ruh və birlik var. Və bu ruh bizə bütün çətinliklərə rəğmən, çempion olmağımıza kömək etdi. Bu il də Allahın köməyi ilə çempion olacağıq.
- Müsahibəyə görə təşükkür edirik.
- Çox sağ olun. Buradan «Qalatasaray»lı futbolçular adından bütün Azərbaycan xalqına salam söyləyirəm.
Kəmalə İSMAYILOVA
"Şahdağ Qusar"ın qələbəsindən - Video
Yamal: "Həmişə qaçmaq lazım deyil"
Millimiz son dəqiqələrdə qələbəni əldən verdi
"Şəfa"nın futbolçusundan penta-trik - Video
"Mançester Siti" de Brüyneni kimlə əvəz edəcək?
"Fiorentina" De Xeanın maaşını ikiqat artırmağa hazırdır
Qələbə qolunu 90+2-də vurdular - Video
İspan klubunda yumruq davası - Şəkil
Millimizin UEFA İnkişaf Turniri üçün heyəti bəlli oldu
"Şəfa"dan 6 qol, "Qusar" və "Şahdağ Qusar"dan qələbə
Enrike: "Çempionlar Liqasında dayanmaq fikrində deyilik"
“Qəbələ” Premyer Liqada da iddialı olacaq” – Elvin Yunuszadə
Premyer Liqa tarixində antirekord
Fransa klubu baş məşqçisini istefaya göndərdi
2-ci liqada “Ayın qolu”nun qalibi mükafatlandırıldı
ÇL-in oyunlarını yayımlayacaq kanallar
De Brüyne bu kluba keçmək istəyir
Prosineçki məhkəmə qarşısında
Kadinin durumu bəlli oldu
1-ci liqa klubuna texniki məğlubiyyət verildi
AFFA azarkeşi vurmağa cəhd edən futbolçunu cəzalandırdı
Beş güləşçimiz mübarizəyə başlayır, üçü üçün "bürünc" şansı
Emil Balayev: “Neftçi” üçün rəqibin kimliyi önəm daşımır”
Ramil Şeydayev 67-ci oldu
Haaland yaxında "Mançester Siti"dən ayrıla bilər
"Beşiktaş" 2 xalı bu cür əldən verdi - Video
"Napoli"dən xal itkisi
“Beşiktaş” yenə xal itirdi
Millimizin üzvünün komandası uduzdu
Avropa çempionatında 3 "bürünc" şansı
"Araz-Naxçıvan" "Sumqayıt"ı belə üstələdi - Video
Vaqif Cavadovdan məğlubiyyət şərhi
