17:00
Milli komandamızın sabiq baş məşqçisi Nikola Yurçeviçin müsahibəsi:
- AFFA-nın sizinlə müqavilə müddətini uzatmaq istəməməsini necə qarşıladınız?
- Zaqrebdə keçirdiyim son həftə ərzində özümü və milli komandanın gələcəyini düşünürdüm. Müqaviləni uzatmaqda maraqlı olub-olmamağımla bağlı özüm də əmin deyildim. İnsanlar daha real olmalıdırlar. Azərbaycanın Avropa futbolundakı mövqeyini nəzərə alsaq, yalnız addım-addım inkişaf edə bilərik. Daha yaxşı komanda formalaşdırmaq üçün vaxt lazımdır. Rəqiblərlə müqayisədə Azərbaycan futbolçuları Avropanın tanınmış klublarında çıxış etmirlər. Gənc oyunçularla düzgün işləməklə və pillə-pillə getməklə uğura nail olmaq mümkündür. Bununla belə, AFFA-dakı hər kəsə mənə verdikləri dəstəyə və peşəkar işlərinə görə təşəkkür edirəm.
- Millidə bir seçmə mərhələni əhatə edən 10 aylıq fəaliyyətinizi necə qiymətləndirirsiniz?
- Düşünürəm ki, gələcək üçün bir sıra yeni və gənc oyunçuları üzə çıxardıq. Keyfiyyətcə daha üstün komandalara qarşı çox yaxşı oynadıq və əlavə xallar qazanmaq şansımız vardı. Qrupumuzda San Marino kimi asan rəqibimiz olsaydı, yəqin ki, daha 6 xal qazanardıq və bu, komandaya daha çox özünəinam verərdi.
- Bugünkü hesabatınızda hansı məsələlərə toxundunuz?
- İcraiyyə Komitəsinə illik hesabat verdim. Bu, normal və peşəkar davranışdır. Bütün oyunları təhlil etdim. Seçmə mərhələdə bizə qarşı çoxlu hakim səhvləri oldu. Premyer Liqada 8 komanda çıxış etdiyindən yığmada rəqabət üçün yetərincə oyunçunun olmadığına diqqət çəkdim. Üstəlik, bəziləri klublarında oynamırlar. Həmçinin seçmə mərhələdə hər görüşdə cəza və zədə üzündən 3-4 futbolçunun xidmətindən yararlana bilmədik. Xaricdə oynayan futbolçuların da sayı yetərli deyil. Komandanın gələcəyi ilə bağlı analiz aparmağa çalışdım. Fikrimcə, növbəti Millətlər Liqasında müsbət nəticə qazanmaq üçün daha yaxşı şans var.
- Bundan sonra nə etmək fikrindəsiniz: Azərbaycanın hansısa klubundan təklif gəlsə, qalmaq istəyərdiniz?
- İndi boşda olan məşqçiyəm və bütün təkliflərə açığam. Bir gün yenə Azərbaycanda çalışmağım mümkündür. Deməliyəm ki, mən və ailəm Bakı kimi gözəl, Azərbaycan kimi əla ölkədə yaxşı insanların əhatəsində çox yaxşı vaxt keçirdik. Bura ilə bağlı yalnız müsbət sözlər deyə bilərəm. Oyunçulara, komandadakı personala, azarkeşlərə, bir sözlə, hər kəsə təşəkkürlər! (Report)
"İnter"dən yeni transfer
Millimizin Latviya ilə oyunöncəsi açıq məşqindən - Şəkillər
Toral millinin oyununa çıxmayacaq?
"Atalanta"nın yeni baş məşqçi təyinatı rəsmiləşdi
"Tottenhem" baş məşqçisi ilə yollarını ayırdı
Santuş kapitanlığı Emin Mahmudova qaytardı
Millimiz Qazaxıstana qalib gəldi
"Bizə qələbə lazımdır" - Emin Mahmudov
"Futbolçularımız çox istəklidirlər" - Fernandu Santuş
“Roma”da Qasperini dönəmi
"Atalanta" onunla razılaşdı
"Liverpul" bu qapıçını transfer edir
La Liqada mövsümün ən yaxşı oyunçusu seçildi
Bekhem "Cəngavər" adı alacaq
"Sabah"ın qapıçısı millidə 4 qol buraxdı
"Bavariya" futbolçusu ilə müqaviləni uzadır
Qattuzo istefaya göndərildi
"Mançester Siti"yə keçir - Açıqlama
Braziliya millisinin üzvü "Arsenal"da qaldı
"Real"ın yeni formaları - Şəkillər
"İnter"in yeni baş məşqçisi bəlli oldu
Mbappe daha bir rekordu qırdı
17 yaşlı Yamaldan ardıcıl uğurlar
Ançelottidən uğursuz start, Argentina liderliyi təmin etdi
"Zirə"nin hücumçusu oynadı, Gürcüstan qalib gəldi
De la Fuentedən qələbə şərhi
İspaniya - Fransa matçındakı 9 qol - Video
