“Qarabağ” dünya reytinqində gerilədi

ÖLKƏ FUTBOLU 3 Fevral 2010 / 16:05 2727
-  A +

Beynəlxalq Futbol Tarixi və Statistikası Federasiyası (IFFHS) 2010-cu ilin yanvar ayı üçün klubların reytinq cədvəlini açıqlayıb. Qol.Az-ın məlumatına görə, 2009-cu ili 227-ci pillədə başa vuran “Qarabağ” ötən ayla müqayisədə geriləyib. Hazırda aktivində 79,5 reytinq balı olan Ağdam klubu Perunun "Allianz Atletiko", Sinqapurun "Armed Forces" və BƏƏ-nin "Əl Cəzirə" klubları ilə birlikdə 234-cü pillədə qərarlaşıb.
Sırlamanın ilk dörd pilləsində dəyişiklik yoxdur. “Barselona” birinci, “Çelsi” ikinci, “Mançester Yunayted” üçüncü, “Şaxtyor” Donetsk isə dördüncüdür.
Türkiyə klublarından “Qalatasaray” 11-ci, “Fənərbaxça” 24-cü, “Beşiktaş” 94-cü, “Trabzonspor” 243-cü, “Bursaspor” 281-ci pillədə qərarlaşıb.
Milli komandamızın hücumçusu Vaqif Cavadovun şərəfini qoruduğu Hollandiyanın “Tvente” klubu isə 18-ci yeri tutur. 

 

 

Daha çox


Son xəbərlər