"İnter" liderliyini daha da möhkəmləndirdi

Bu gün keçirilən 4 oyunla Premyer Liqada XVIII tura yekun vuruldu. Turun mərkəzi qarşılaşmasında - Azərbaycan derbisində "Neftçi" "Qarabağ"la qarşılaşdı. Qol.Az saat 14:00-dan etibarən XVIII turun son qarşılaşmalarından canlı mətn-reportaj yayımladı. 

3 fevral (çərşənbə)

"Xəzər Lənkəran" - "Standard" 0:0 
Lənkəran şəhər mərkəzi stadionu
Hakimlər: Elnur Muradov, Habil Əliyev, Mehman Mahmudov, Elvin Əsgərov
AFFA nümayəndəsi: Rauf Hüseynli
Hakim-inspektor: Əmir Zamanov

Oyun başa çatdı.

65. "Xəzər Lənkəran" hesabı açmağa çox yaxın idi. Lakin Kalinkovun zərbəsi dirəkdən döndü.

60. Juninyonun zərbəsi təhlükəli alındı.

54. "Standard" hesabı açmağa çox yaxın idi. Lakin Mazyarın zərbəsi qapı dirəyindən döndü.  

İkinci hissə başladı.  

Birinci hissə başa çatdı.

42. "Standard"ın heyətində məcburi əvəzetmə. Muciri zədələnərək oyunu davam etdirə bilmədi. Onu Vladimir Mazyar əvəzlədi.

35. Meydanda gərgin mübarizə gədir. Meydan sahiblərindən Rahid Əmirquliyev, qonaqlardan isə Rikelme və Balamestni artıq sarı vərəqəylə cəzalanmağa imkan tapıb.

26. Svetkov hesabı aça bilərdi. Lakin "Standard"ın qapıçısı qola imkan vermədi.

18. "Xəzər Lənkəran" hücumlarını davam etdirir. Lakin hələ ki "Standard"ın müdafiəsi səhvsiz oynayır.  

10. Matça gözlənildiyi kimi meydan sahibləri fəal başlayıblar.

Oyun başladı.

"İnter" - "Muğan" 1:0 
"Şəfa" stadionu
Hakimlər: Rəhim Həsənov, İlham Əliyev, Eldar Nağıbəyov, Əfqan Həmzəyev
AFFA nümayəndəsi: Mehdi Qasımov
Hakim-inspektor: Nüvər Xasıyev

Oyun başa çatdı.

70. QOL. Zlatinov hesabı açır.

66. Assiolinin başla zərbəsi qapının üstündən keçdi.

58. Fasilədən sonra da oyunun ssenarisi dəyişməyib. "Bankirlər" hücum edir, "Muğan" isə müdafiə olunur.  

İkinci hissə başladı.  

Birinci hissə başa çatdı.

36. Son dəqiqələrə tamamilə "bankirlər"in üstünlüyü şəraitində keçsə də, rəqib qapısına yol tapmaq mümkün olmur.

25. "İnter" hücumlarını davam etdirir.

19. "İnter"dən Karlsons şansını boşa verdi.

14. "Muğan" hesabı aça bilərdi. Lakin Lomaya qola imkan vermədi.   

11. İlk dəqiqələrdən "İnter" üstünlüyə yiyələnib.

Oyun başladı.

"Neftçi" - "Qarabağ" 0:0 
T.Bəhramov adına Respublika stadionu
Hakimlər: Elçin Məmmədov, Vaqif Musayev, Roman Vasilyev, Azad Mütəllimov
AFFA nümayəndəsi: Şaiq Həmidov
Hakim-inspektor: Füzuli Nəcəfov

“Neftçi”: 1.Vladimir Miçoviç, 2.Rail Məlikov (k), 4.Tavi Rahn, 5.Leonard Naydin, 8.Elmar Baxşıyev, 10.Marian Aliuta, 11.Cavid Hüseynov, 14.Vladimir Voskoboynikov, 16.Dmitri Kruqlov, 25.Adrean Neaqa, 44.Valeri Abramidze

“Qarabağ”: 1.Fərhad Vəliyev, 2.Elnur Allahverdiyev, 5.Maksim Medvedyev, 6.Rəşad Sadiqov, 8.Aslan Kərimov (k),9.Elvin Məmmədov, 10.Emin İmaməliyev, 11.Rauf Əliyev, 14.Rəşad Sadıqov, 22.Əfran İsmayılov, 24.Admir Teli

Oyun başa çatdı.  

90+2. "Neftçi"də Adrean Nyaqanı Joze Karlos əvəzlədi.

90. Bu dəfə də "Qarabağ"dan Rəşad Sadiqov sarı vərəqəylə cəzalandı. Bununla da gənc futbolçu mövsümdə dördüncü sarı vərəqəsini alaraq, cəzalı duruma düşdü. O "Karvan"la növbəti turun oyununu buraxacaq.

87. Valentin Atemlə Əfran İsmayılov arasında gərgin anlaş yaşandı. Nəticədə hakim hər iki futbolçunu sarı vərəqəylə cəzalandırdı.

85. "Neftçi"də Vladimir Voskoboynikovun əvəzinə Suat Usta meydana daxil oldu.

83. "Neftçi" meydanda azlıqda qaldı. Cavid Hüseynov Maksim Medvedə bilərəkdən zərbə endirdiyinə görə qırmızı vərəqə aldı.

82. "Qarabağ"da Elvin Məmmədovu Vüqar Nadirov əvəzlədi.

78. "Neftçi"nin hücumu təhlükəli alına bilərdi. Lakin Neaqa cərimə meydançasına dəqiq ötürmə verməyə gecikdi.   

75. Bu dəfə də Elnur Allahverdiyev hakimin qəzəbinə tuş gəldi. Allahverdiyev Neaqaya qarşı kobud oyuna görə sarı vərəqəylə cəzalandırıldı.

72. Neaqa hakimlə mübahisə etdiyinə görə sarı vərəqəylə cəzalandı.

70. "Neftçi"nin heyətində ilk əvəzetmə. Elmar Baxşıyevi Valentin Atem əvəzlədi.

68. "Qarabağ" hesabı aça bilərdi. Lakin Əfranın cinah ötürməsinə toxunan olmadı.

66. "Qarabağ" təhlükəli nöqtədən cərimə zərbəsi yerinə yetirdi. Lakin Əfranın zərbəsi qapının üstündən keçdi.  

62. Voskoboynikov qapıya zərbə endirsə də, Fərhad səhvsiz oynadı.

58. Maksim Medvedyev kobud oyuna görə sarı vərəqəylə cəzalandı. Bu, Maksimin cari mövsümdə 15-ci oyunda gördüyü 6-cı sarı vərəqədir.

55. "Neftçi" daha bir qol şansını boşa verdi. Fərhad çıxışda kobud səhvə yol versə də, Voskoboynikov boş qapının dəqiq nişan ala bilmədi.

54. Namiq Yusifovun cərimə zərbəsi təhlükəli alınsa da, top qapının üstündən keçdi.

46. "Qarabağ" ikinci hissəyə əvəzetmə ilə başladı. Aslan Kərimovu Namiq YUsifov əvəzlədi.

İkinci hissə başladı.

Birinci hissə başa çatdı.  

39. "Qarabağ" hesabı açmağa çox yaxın idi. Aslan Kərimov qapıçıyla təkbətək qalsa da, Miçoviç "Neftçi"ni 100 faizlik qoldan xilas etdi.

36. "Neftçi" cərimə zərbəsi yerinə yetirsə də, müdafiəçilər Kruqlovun zərbəsinin qarşısını kəsdilər.

33. Cavid Hüseynovun zərbəsi qapının yanından keçdi.

28. "Qarabağ" son dəqiqələrdə oyunu bərabərləşdirə bilib.

20. Elnur Allahverdiyevin başla zərbəsi qapının yanından keçdi.

12. Elvin Məmmədovun elə də qüvvətli olmayan zərbəsi Miçoviçdə qaldı.

8. "Neftçi" hesabı açmağa çox yaxın idi. Aliutanın cərimə zərbəsindən ötürdüyü topu Voskoboynikov başla qapıya göndərsə də, estoniyalı forvardın zərbəsində azacıq dəqiqlik çatmadı.  

6. İlk dəqiqələrdən "Neftçi" üstünlüyə yiyələnib. Xüsusən də Neaqa və Aliuta fəaldırlar.  

2. "Neftçi" ilk hücumdaca hesabı aça bilərdi. Lakin Rəşad Sadıqovun sonda möhtəşəm oynuyla Voskoboynikovun qarşısını kəsdi.   

Oyun başladı.

"Karvan" - "Simurq" 3:2 
Yevlax şəhər stadionu
Hakimlər: Fariz Yusifov, Mübariz Haşımov, Ramiz Əsədov, Fuad Həsənov
AFFA nümayəndəsi: Bəşir Əliyev
Hakim-inspektor: Novil İsmayılov

Oyun başa çatdı.

75. QOL. "Simurq" hesab arasındakı fərqi azaltdı. Cərimə meydançasında Rauf Mehdiyev topu əlindən buraxdı. Bundan istifadə edən Zaqatala klubu fərqmi minimuma endirdi. Elşən Məmmədov fərqləndi.

63. QOLLL. "Karvan" üçüncü qolu vurdu. Xaqani Məmmədov dublunu rəsmiləşdirdi.  

58. Fasilədən sonra üstünlük "Simurq"un tərəfindədir.

İkinci hissə başladı.

Birinci hissə başa çatdı.

42. QOL. "Karvan" ikinci dəfə hesabda önə keçdi. "Simurq"un qolkiperi topu öz qapısına göndərdi.

32. QOL. "Simurq"un yeni transferi Draqan Perişiç  hesabı bərabərləşdirdi.

31. Zaur Ramazanov "Simurq"un qapıçısı ilə təkbətək çıxır. Zərbə vurur... Qapıçı topu xilas edir.

"Karvan"ın qapısını sabiq "Simurq"lu Rauf Mehdiyev qoruyur. Eyni zamanda Zaur Ramazanov da uzun fasilədən sonra meydana qayıdıb.

4. QOL. "Karvan" hesabı açdı. Xaqani Məmmədov fərqləndi.   

Matç başladı.

2 fevral (çərşənbə axşamı)
"Bakı" - "Turan" 2:1  
T.Bəhramov adına Respublika stadionu
Hakimlər: Ramil Diniyev, Elman Musayev, Samir Hacıyev, Hacıəli Ağayev
AFFA nümayəndəsi: Füzuli Cavadov
Hakim-inspektor: Səfər Haşımov

“Bakı”: 1.Marko Şarliya, 4.Vadim Borets, 5.Stevan Bates, 6.Kürşat Duymuş, 11.Adnan Bərəkət, 14.Elvin Əliyev, 21.Venio, 27.Bəxtiyar Soltanov, 34.Adriano, 77.Aleksandr Soliç, 85.Jaba
Ehtiyat oyunçular: 23.Xalidu Sissoko, 7.Mahmud Qurbanov, 8.Ernad Skuliç, 16.Hacı Əhmədov, 17.Rəhman Hacıyev, 20.Fabio Luis Ramim, 33.Saşa Yunusoğlu

“Turan”: 1.Kamal Bayramov, 2.Hüseyn İsgəndərov, 3.Ruslan Abbasov, 7.Kamal Ələkbərov, 9.Samir Musayev, 10.Nadir Nəbiyev, 18.Hafiz Əliyev, 19.Rəşid Həsənov, 21.Asəf Qədiri, 23.Elnur Məmmədov, 84.Valeriu Onila
Ehtiyat oyunçular: 16.Şamil Saidov, 4.Ruslan Namazov, 5.Rəşid Orucov, 6.Yevgeni Sayko, 17.Xəyal Qarayev, 27.Onana Romuald, 78. Muammer Erdoğdu

Oyun başa çatdı.

90+1. Adnan Bərəkəti isə Rəhman Hacıyev əvəzlədi.

90. "Bakı"da daha bir dəyişiklik. Aleksandr Soliçi Mahmud Qurbanov əvəzlədi.

84. "Turan"da növbəti əvəzetmə. Ruslan Abbasovun  əvəzinə oyuna Onana Romuald daxil oldu.

82. "Turan"da Valeri Onilanı Yevgeni Sayko əvəzlədi.

77. "Bakı"nın heyətində dəyişiklik. Adrianonu Ernad Skuliç əvəzlədi.

73. QOLLL. "Bakı" ikinci qolu vurdu. Kürşat Duymuş künc zərbəsindən ötürülən topu başla qapıya göndərdi - 2:1.

72. Jaba növbəti şansını boşa verdi. Braziliyalı hücumçu qapıya zərbə vurmağa gecikdi.

66. "Bakı" hesabda yenidən önə keçməyə çox yaxın idi. Lakin Jaba yüzfaizli qol şansından yararlana bilmədi. Adnan Bərəkət gözəl hərəkətlə müdafiəçidən sıyrılaraq, cərimə meydançasına asma etsə də, Jabanın zərbəsi qapıdan azca aralı keçdi.

62. Qoldan sonra da "Turan" geri çəkilməyib.

"Turan" hesabı bərabərləşdirdikdən sonra "Bakı"nın azarkeşləri "Sissoko, Sissoko" qışqırırlar.

Qoldan sonra "Bakı"nın baş məşqçisi Bülənt Qorxmaz meydanın kənarına gələrək, hakimə narazılığını açıq şəkildə bildirdi.

59. QOL. "Turan" hesabı bərabərləşdirdi. Tovuzluların qolu kuryoz alındı. Rəşid Həsənov zərbəsindən sonra Marko Şarliya kobud səhvə yol verdi. Onun səhvini düzəltməyə çalışan Kürşt Duymuş başla topu qapıçıya göndərdi. Şarliya isə topu əlində saxlaya bilmədi və nəticədə top qapıdan keçdi - 1:1. Qol Rəşid Həsənovun adına yazıldı.

54. Asəf Qədirinin uzaqdan zəbəsini Şarliya çətinlik çəkmədən tutdu.

53. Adriano qapıçıyla təkbətək çıxa bilərdi. Lakin Kamal Ələkbərov topa daha tez çatdı.

49. İkinci hissə qarşılıqlı hücumlarla başlayıb.

İkinci hissə başladı.

Birinci hissə başa çatdı.

44. QOLLL. Jaba hesabı açdı. "Bakı" öndədir - 1:0. Braziliyalı forvard cari mövsümdə altıncı qolunu vurdu.

40. Venionun zərbəsi qeyri-dəqiq alındı.

39. Elvin Əliyevin uzaqdan zərbəsi təhlükəli alınsa da, top "çərçivə"yə düşmədi.

34. Nadir Nəbiyevin zərbəsi qeyri-dəqiq alındı.

30. Soliçin növbəti zərbəsi qapının üstündən keçdi.

28. Soliçin cərimə zərbəsi qapıçıda qaldı.

26. Bəxtiyarın növbəti təhlükəli zərbəsi qapının üstündən keçdi.

23. Adnan Bərəkətin cinah ötürməsi təhlükəlin alınsa da, müdafiəçilər topu uzaqlaşdırdılar.   

17. "Bakı" hesabı açmağa çox yaxın idi. Bəxtiyar Soltanovun zərbəsi qapı tirindən döndü. Adnan Bərəkətin təkrar zərbəsini isə müdafiəçilər uzaqlaşdırdılar.

12. Kamal Ələkbərovun uzaqdan zərbəsi qeyri-dəqiq alındı.

10. "Bakı" ilk dəqiqələrdən üstübnlüyə yiyələnib.

Matç başladı.

14:00 “Olimpik-Şüvəlan" - "Qəbələ" 0:2 
"Şəfa" stadionu
Hakimlər: Rasim Məmmədov, Azər Əsgərov, Aydın Ələkbərov, Ceyhun Haşımov
AFFA nümayəndəsi: Mübariz Hüseynov
Hakim-inspektor: Akif Məmmədov

Oyun başa çatdı.

Matçın sonuna iki dəqiqə əlavə olundu.

90. "Qəbələ"də sonuncu dəyişiklik. Razvan Tarleanı Namiq Əliyev əvəzlədi.

85. "Qəbələ"dən Stolpa sarı vərəqəylə cəzalandı.

70. "Qəbələ"də Abdulkader Kamaranı Anatoli Ostap əvəzlədi.

68. "Olimpik-Şüvəlan"da sonuncu dəyişiklik. Anatoli Doroşu Hüseyn  Axundov əvəzlədi.

67. "Olimpik-Şüvəlan"da İlqar Qurbanovu Samir Abdulov əvəzlədi.

66. "Qəbələ"dən Kamara sarı vərəqəyələ cəzalandı.

60. İkinci hissədə komandalar fəallıq göstərmirlər. Mübarizə əsasən meydanın mərkəzində keçir.

46. Hər iki komanda ikinci hissəyə əvəzetmə ilə başlayır. "Qbələ"də Kənan Kərimovu Tomaş Stolpa əvəzləyir. "Olimpik-Şüvəlan"da isə İsmael Fransisko da Silvanı Vüsal Qarayev əvəzləyir.

İkinci hissə başladı.

Birinci hissə başa çatdı.

43. QOL. Torres özünün və komandasının ikinci qolunu vurdu.

38. Son dəqiqələrdə oyunun tempi aşağı düşüb.

31. "Olimpik-Şüvəlan"dan Aqil Nəbiyev sarı vərəqəylə cəzalandı.

21. Qoldan sonra "Olimpik-Şüvəlan" oyunu bərabərləşdirə bilib.

12. QOOL. "Qəbələ" hesabı açır. Kristian Torres topu "təyyarəçi"lərin qapısından keçirir.

Matç başladı.

TURNİR CƏDVƏLİ