“Bakı” Finlandiya çempionunun müqavimətini qıra bilmədi

Bu gün son olkə çempionu “Bakı” Moskvada keçirilən “Birlik Kuboku” turnirində növbəti oyununa çıxıb. Qol.Az-ın məlumatına görə, yerli vaxtla saat 14:00-da start götürən matçda komandamızın rəqibi Finlandiya klubu HİK olub.

"Bakı" (Azərbaycan) - HİK (Finlandiya) 0:0  

Moskva. "Olimpiyski" İdman Kompleki

Hakimlər: İldus Biqlov, Yevgeni Volnin, Eduard Malıy, Anatoli Şarkov

"Bakı": Marko Şarliya, Stevan Bates, Kürşat Duymuş, Ernad Skuliç, Jaba, Bəxtiyar Soltanov (k), Venio, Adriano, Adnan Bərəkət, Aleksandr Soliç, Vadim Borets

HİK: Vallan Ville, Kansikan Tuoman, Mikko Hauell, Muhammed Kamara, Rafael, Yuho Makelo, Matias Lindstrom, Yano Parikko, Yohann Oyala, Erfan Zeneli, David Romandincaye

Oyun başa çatdı.

90. Əzizin zərbəsi qapıdan azca aralı keçdi.

87. Jabanın 4-5 metrdən zərbəsi qapının üstündən keçdi.

84. Jaba yaxın məsafədən qapıya zərbə vurmaq əvəzinə ötürmə verdi. Nəticədə hücum nəticəsiz qaldı.  

81. Oyala sarı vərəqəylə cəzalandı.

78. Skuliçin bu dəfə də bəxti gətirmədi. Top qapıdan azca aralı keçdi. 

75. Adnan Bərəkəti Mahmud Qurbanov əvəzlədi.  

74. HİK-in hücumu təhlükəli alındı. Son anda Elvin Əliyev inamlı oynadı.

69. HİKdə Parikanı Rink əvəzlədi.  

65. "Bakı" növbəti real qol şansını boşa verdi. Bəxtiyarın başla zərbəsi qapıdan azca aralı keçdi.

63. "Bakı"da ikinci dəyişiklik. Adrianonu Əziz Quliyev əvəzlədi.

62. Bəxtiyarın başla zərbəsi qapıçıda qaldı.

60. HİK-də ardıcıl üç dəyişiklik edildi. Makelonu Dauda, Davidi Rikilahti, Zeneleni Santana əvəzlədi. "Bakı"da isə Venionu Elvin Əliyev əvəzlədi.

58. Adnan Bərəkətin cərimə zərbəsini qapıçı tutur.

54. Boretsin zərbəsi qapıçıda qaldı.

51. Şarliya topu əlindən buraxsa da, Batesv topu cərimə meydançasından uzaqlaşdırdı.

49. Adriano qapıçıyla təkbətək qalsa da, dəqiq zərbə vura bilmədi.

İkinci hissə başladı.

Birinci hissə başa çatdı.  

44. Ardıcıl iki epizodda hesabı aça bilərdik. Amma nə Adriano başla topa toxuna bildi, nə də Bəxtiyar.

42. Son dəqiqələrdə çempionumuz tamamilə üstünlüyə yiyələnib.

37. "Bakı" təhlükəli nöqtədən cərimə zərbəsi yerinə yetirdi. Lakin Soliçin zərbəsi az fərqlə üstdən keçdi.

35. Soliçin zərbəsində azacıq dəqiqlik çatmadı.

33. Linstrom sarı vərəqəylə cəzalandı.

32. Zenelinin zərbəsi Şarliyada qaldı.

31. Nəhayət ki, komandamız oyunda ilk real qol epizodunu yaratdı. Lakin Skuliçin başla zərbəsi qapı tirindən döndü.

29. Braziliyalı forvardın budəfəki zərbəsi daha təhlükəli alınsa da, yenə "çərçivə"yə düşmədi.

28. Adrianonun uzaqdan zərbəsi elə də qüvvətıli alınmadı.

Arxada qalan müddət ərzində "Bakı" sanki özünə oxşamır. Təxminən yarım saat geridə qalsa da, komandamızın oyunu istənilən kimi alınmır.

26. "Bakı"nın qapısı qarşısında növbəti təhlükəli vəziyyət yarandı. Hər şey komandamız üçün yaxşı qurtardı.

25. Lindstrom Şarliya ilə təkbətək çıxmağa yaxın idi. Amma Bates gözəl oynadı.

23. Qapımız qarşısında növbəti künc zərbəsi. Şarliya bu dəfə də keçilməzdir.

22. Zenelininn təhlükəli zərbəsinə Şarliya gözəl reaksiya göstərdi.  

20. Rafaelin başla zərbəsi ... və komandamız üçün hər şey yaxşı qurtardı

17. Soliçlə Jaba arasında yaranan anlaşılmazlıqdan sonra HİK çox təhlükəli hücum qurdu. Ardıcıl bir neçə epizodda rəqib futbolçular qapımıza zərbə endirsələr də, əvvəlcə Şarliya, daha sonra Bates səhvsiz oynadı.  

11. HİK-in hücumu təhlükəli alına bilərdi. Amma Kürşat rəqib futbolçuya qapıçıyla təkbətək çıxmaq imkanı vermədi.  

7. Son 2-3 dəqiqə ərzində mübarizə əsasən mərkəzdə keçir.

4. Hesabı açmağa çox yaxın idik. Lakin Soliç qapıya zərbə vurmağa gecikdi.  

3. Hücum təhlükəli alına bilərdi. Amma Jaba ofsaytdadır.

1. İlk hücum finlərdən gəldi. Lakin asma elə də təhlükəli alınmadı.  

Komandamızı meydana ilk dəfə olaraq Bəxtiyar Soltanov kapitan qismində çıxarıb.

Oyun başladı.