12.05.26
"Olimpik-Şüvəlan" klubunun baş məşqçisi Nazim Süleymanov "Neftçi" ilə oyundan sonra qazandığı ilk xal və komandasının hazırkı durumu ilə bağlı Qol.Az saytına müsahibə verib.
- Nazim müəllim, öncə başlayaq dünən keçirilən "Neftçi" ilə matçdan...
- Dünən mətbuat konfransında fikirlərimi bildirdim. Bu gün bir daha demək istəyirəm ki, futbolda bəxt amili də əsas şərtlərdən biridir. "Neftçi" oturuşmuş bir komandadır. Vaqif Sadıqovun gəlişindən sonra bu komandada inkişaf var. Mənim isə debüt matçım idi. Təbii ki, hər oyunda komanda öz qarşısına məqsəd qoyur. Bizim də məqsədimiz rəqibə qarşı layiqincə mübarizə aparmaq idi və düşünürəm ki, bunu bacardıq.
- Qarşılaşmadan öncə böyük əksəriyyət "Neftçi"ni favorit qismində görürdü. Bəlkə bu amil də rəqibdən xal almağınıza kömək etdi. Yəni, "Neftçi"dən fərqli sizin futbolçular oyuna rahat çıxmışdılar.
- Bilirdik ki, "Neftçi" bizdən əvvəl "İnter"i məğlub etmişdi və əhval-ruhiyyələri yüksək idi. Buna baxmayaraq rəqibin oyununda boşluqlar olduğunu da bilirdik və bununla bağlı məlumat toplamışdıq. Analoji məlumatı rəqib də bizim haqqımızda yığmışdı. Hər halda məğlub olmamağımız göstərdi ki, layiqincə mübarizə aparanda istədiyin nəticəni qazana bilirsən.
- Oyundan sonra verdiyiniz açıqlamada futbolçuların fiziki baxımdan çatdırmadığını qeyd etdiniz.
- Bəli, oyunu izləyənlər də gördü ki, sona yaxın oyunçularımız yoruldular. İbekoyidə qıcolma baş verdi, oyunu güclə başa çatdırdı. Bunu da hardasa başa düşmək lazımdır. Çünki komandaya yeni qatılıb. Digər futbolçular haqqında da eyni sözləri demək olar. Sadəcə, söhbət İbekoyidən düşdüyündən konkret onu misal gətirdim. Buna baxmayaraq, əzmkarlıq və istək fiziki çatışmamazlıqları üstələdi.
- Fiziki hazırlıq haqda danışdıq. Bəs taktiki-texniki hazırlıq baxımından hansı çatışmamazlığı aşkara çıxardınız?
- Gəlin belə danışaq. Əgər taktiki-texniki baxımdan problemlər olmasaydı, o zaman "Neftçi" ilə oyunda qol vurardıq.
- Bu açıqlamalarınızdan çoxları belə başa düşəcək ki, sabiq baş məşqçi Əsgər Abdullayevin "bostan"ına "daş" atırsınız.
- Mən o cür düşünən insanlar kimi fikirləşmirəm. Əsgər Abdullayev komandanın baş məşqçisi olub. Burada əsas günah Abdullayevdə yox, futbolçularda olub. Çünki hər bir oyunçu özündə məsuliyyət hiss etməlidir və üzərində çalışmalıdır. Futbolçu özü öz formasını saxlamağı bacarmalıdır. Bu mənada mən günahı Əsgər Abdullayevdə yox, futbolçularda görürəm.
- Qarşınıza qoyduğunuz məqsəd nədir?
- Məqsəd ilk növbədə gələcəyin komandasını qurmaqdır. Bu mütləq olmalıdır. Əgər məqsədin yoxdursa o zaman meydana niyə çıxırsan? Bəli, bu gün "Olimpik-Şüvəlan"ın yüksək səviyyədə şəraiti yoxdur. Bilirsiniz ki, ev oyunlarımızı da "Şəfa"da oynayırıq. Amma bütün bunlar müvəqqətidir. Çünki klub rəhbərliyi Şüvəlan qəsəbəsində yeni baza, stadion və akademiya tikir. Yaxın gələcəkdə "Olimpik-Şüvəlan" Azərbaycanda ən yaxşı şəraitli klublardan birinə çevriləcək.
- Komandanızda hazırda maliyyə problemi var?
- Düzü, mən klubun büdcəsi ilə maraqlanmamışam. Amma ciddi problem hiss etmirəm.
- Sonda. Növbəti turda "Karvan"ı qəbul edəcəksiniz və ilk qələbənizi qeyd etməyiniz üçün Yevlax klubu münasib rəqib sayıla bilər. Necə düşünürsünüz?
- Mən düşünmürəm ki, bizi asan oyun gözləyir. Əgər qarşılaşmaya arxayın çıxsaq, "Neftçi"nin bizimlə oyundakı xal itkisini biz də "Karvan"a qarşı yaşaya bilərik. Bu səbəbdən rəqibi çox ciddi qəbul edirik. Əgər qələbə istəyiriksə, 90 dəqiqə mübarizə aparmalıyıq.
UEFA 2 klubu sərt cəzalandırdı
"Real"dakı davanı mediaya sızdıran şəxs müəyyən olunub
"Mən yaxşıyam.." - Elvin Cəfərquliyev
"İstefaya getmək niyyətində deyiləm"
"Arsenal"ın futbolçusu sıradan çıxdı
Rəhim Həsənov hakimlərin qərarlarını təsdiqlədi - Video
Dik Advokat Kurasao millsinə qayıtdı
"Marsel"dən ərəb klubuna keçir
2-ci liqada 6 oyunun saatı məlum oldu
2-ci liqada 26-cı tura yekun vuruldu
"Bizim itirəcəyimiz şeylər daha çoxdur" - Rəşad Sadıqov
"Zirə" final matçına itki ilə çıxacaq
Serxio Ramos "Sevilya"nın rəhbəri ola bilər
Əliyar Ağayev bu dəfə 1-ci liqada
Hakimlər üçün danışılmış oyunlara qarşı sessiya keçirildi
"Azarkeşlər finaldan həzz alacaqlar" - Valdas Dambrauskas
Pikeyə 200 min avro cərimə kəsildi
“Kəpəz”in şərtləri məni qane etsə, qalacam” – Azər Bağırov
Levandovski üçün sürpriz namizəd
"Qarabağ" regionda ilk Dayanıqlılıq Hesabatını təqdim etdi
Azərbaycan kubokunda finalın hakimləri açıqlandı
Baş məşqçi DÇ-2026-ya 1 ay qalmış istefa verdi
“Sabah" onu 1 milyona birdəfəlik transfer edir
Bir mövsümdə cəmi 25 dəqiqə oynadı, müqaviləsi ləğv edildi
"Liverpul" Dioqo Jotanın xatirəsinə abidə ucaltdı
"Araz Naxçıvan" legioneri göndərdi
40 yaşında dünya çempionatına gedir!
Davadan sonra "Real"da mühit korlanıb
Cərimə meydançasındakı mübarizə qaydaları dəyişə bilər
Acun Ilıcalının klubu Premyer Liqanın bir addımlığında
"Sabah"ın potensial rəqibləri kimlərdir? - Çempionlar Liqası
Azərbaycan millisindən Avropa çempionatında bürünc medal
Nihat Kahveci “Neftçi”nin gözəl qolunu şərh etdi - Video
Bu mükafatı yenə Dembele qazandı
"Qarabağ" fransalı futbolçu alır - Klubu təsdiqlədi
La Liqanı tərk edəcək ilk komanda bilindi
Azərbaycan güləşçiləri Avropa çempionatının finalında
"Qaradağ Lökbatan"ın 3 qolu - Video
Premyer Liqa VAR-la bağlı yeni təklifi qəbul etmir
Mbappe ev oyunlarını boykot edə bilər
Osimhen millidən kənarda qaldı
Salah yenidən ərəblərin hədəfində
"Dünya çempionatında intizam ön plana çıxacaq"
Bəhruzun het-triki, "Xankəndi"nin qələbəsi - Video
"Real"ın zədəli futbolçusu karyerasını bitirir?
