Çexiya mətbuatı: “Vaqif Cavadovla Mahir Şükürov rahatlıqla bizim çempionatda oynaya bilərlər”

Çexiya mətbuatı: “Vaqif Cavadovla Mahir Şükürov rahatlıqla bizim çempionatda oynaya bilərlər”
ÖLKƏ FUTBOLU 26 Noyabr 2009 / 00:28 2542
-  A +

Birləşmiş Ərəb Əmirliklərində keçirilmiş beynəlxalq turnirdə Çexiya millisinə qalib gələrək, üçüncü yeri tutan milli komandamızın hücumçusu Vaqif Cavadovla, yarımmüdafiəçi Mahir Şükürov hələ də xarici mətbuatın gündəmindən düşmür. Qol.Az-ın məlumatına görə, Çexiyanın Praqa şəhərində nəşr olunan “Çexspot” qəzeti bu yaxınlarda yenidən Çexiya - Azərbaycan matçına toxunub. Çexiyalı həmkarlarımızın fikrincə, millimiz bu qarşılaşmada çox yüksək səviyyəli oyun nümayiş etdirib və xüsusilə cinahlardan təşkil etdiyi sürətli hücumlarla çexlərin oyun sistemini çökdürüb. Çexiyalı jurnalistlər millilərinin gələcək perspektivini şərh edərkən millimizlə keçirilən oyuna qayıdaraq iki futbolçumuz üzərində xüsusilə dayanıblar: “Çexiya millisi hələ öz üzərində çox işləməlidir. BƏƏ-dəki turnir göstərdi ki, 2012-ci il dünya çempionatının seçmə oyunlarına daha ciddi hazırlaşmaq lazımdır. Hazırkı gənc heyət hələ tam yetişməyib və milli hələ də Çex, Rositski və digər təcrübəlilərdən asılıdır. 3-cü yer uğurunda keçirilən oyunda məğlub olduğumuz Azərbaycan millisi ilə oyunda bu amil daha qabarıq görsəndi. Berti Foqtsun komandası haqqında ancaq xoş sözlər demək olar. Azərbaycanlılar olduqca, sürətli və baxımlı futbol oynayırdılar. Rəqibin heyətində xüsusilə iki futbolçu fərqlənirdi - Vaqif Cavadov və Mahir Şükürov. Elə komandamız üzərində qələbənin qazanılmasında bu iki futbolçunun xüsusi əməyi oldu. Qapımıza vurulan ilk qolu da elə bu iki futbolçu təşkil etdi. Çəkinmədən demək olar ki, yüksək texnikaya və sürətə malik olan bu iki futbolçu rahatlıqla Çexiya çempionatında oynaya bilərlər”.


Son xəbərlər
18.03.25  16:16

Van Deyk ABŞ-ı seçdi