Ramal Hüseynovun “Standard”da qalıb-qalmayacağı bu gün dəqiqləşəcək

Ramal Hüseynovun “Standard”da qalıb-qalmayacağı bu gün dəqiqləşəcək
ÖLKƏ FUTBOLU 20 Noyabr 2009 / 11:47 2054
-  A +

“Olimpik-Şüvəlan”la matçda qırmızı vərəqə alaraq, komandasını çətin vəziyyətdə qoyan Ramal Hüseynovun “Standard”dakı taleyinə tam aydınlıq gəlməyib. Təcrübəli futbolçunun artıq “Standard”dan kənarlaşdırıldığı deyilsə də, Ramal deyilənləri təkzib edib. Qol.Az-ın müxbirilə söhbətində Hüseynov bütün suallara bu gün axşam saatlarında aydınlıq gələcəyini bildirdi: “Düzdür, “Standard”la birgə məşqlərə çıxmıram. Amma bu məsələ hələ qapanmayıb. İndi elə “Qəbələ”ylə oyuna getməyə hazırlaşıram. Həmin oyundan sonra baş məşqçi Böyükağa Hacıyevlə görüşəcəyəm. Klubdakı gələcək taleyimə də məhz həmin görüşdən sonra aydınlıq gələcək”.
Hüseynov karyerasını yenidən Türkiyədə davam etdirəcəyi barədə yayılan xəbərlərə münasibət bildirmək istəmədi: “Bu haqda indi danışmağım düz çıxmaz. Çünki hazırda müqaviləylə “Standard”a məxsusam”.    


Son xəbərlər
18.03.25  16:16

Van Deyk ABŞ-ı seçdi